Կոպիրկինն ասել է, իբր ՀՀ-ում ԵՄ առաքելությունը «ոչ թե պաշտպանում է երկիրը, այլ հետախուզական տվյալներ է հավաքում» 5 սեպտեմբերի 2024 - 13:16 AMT PanARMENIAN.Net - ՀՀ–ում ՌԴ դեսպան Սերգեյ Կոպիրկինը հայտարարել է, որ Հայաստանում ԵՄ առաքելությունը ոչ թե պաշտպանում է երկիրը, այլ «մշտադիտարկման քողի տակ հետախուզական տվյալներ հավաքում ՌԴ–ին, Ադրբեջանին և Իրանին հակազդելու համար»։ Այդ մասին դեսպանն ասել է «Սոյուզնիկի․ ՕԴԿԲ» կայքին տված հարցազրույցում։ Նա հավելել է, որ Հարավային Կովկասի ճակատագիրը պետք է որոշեն բացառապես տարածաշրջանի երկրներն ու հարևան գործընկեր պետությունները։ «Դրսից ոչ ոք խաղաղություն ու բարգավաճում չի բերի մեր տուն։ Եթե խոսում ենք տարածաշրջանային տևական անվտանգության, կայունության և սոցիալ–տնտեսական զարգացման մասին, ապա հավաքական Արևմուտքի նպատակները դրան բոլորովին չեն համապատասխանում, քանի որ նրա նպատակը տարածաշրջանի ռազմականացումն է և այնտեղ ԵՄ ու ՆԱՏՕ–ի ռազմաքաղաքական ազդեցության աճը»,–ասել է Կոպիրկինը։ Նա նաև ասել է, որ Հայաստանի առջև ծառացած շատ ռիսկեր կարող էին մեղմվել, եթե 2022–ի սեպտեմբերին Երևանը համաձայներ ՀԱՊԿ-ի միջոցով իրականացնել մի շարք միջոցառումներ։ «Շատ ռիսկեր, որոնց այսօր բախվում է Հայաստանը, կարելի էր մեղմել, եթե 2022–ի սեպտեմբերին Երևանը համաձյնվեր Ադրբեջանի հետ սահմանին իրավիճակի կայունացմանն ուղղված մի շարք միջոցների վերաբերյալ ՀԱՊԿ առաջարկին։ Խոսքը լուրջ նախաձեռնությունների մասին էր, ներառյալ ռազմատեխնիկական օգնությունը, դիտորդական առաքելության գործուղումը, աջակցությունը սահմանապահ զորքերի ուսուցմանը։ Ցավոք, ՀՀ ղեկավարությունը գերադասեց հրավիրել ԵՄ առաքելությանը, որն ամենևին չի պաշտպանում պետության սահմանները, այլ հետախուազական տվյալներ է հավաքում ՌԴ, Ադրբեջանի և Իրանի դեմ»,–ասել է ՀՀ–ում ՌԴ դեսպանը։ Վերջին օրերին Բաքվից հայտարարություններ են հնչում, թե պետք է կասեցնել ԵՄ առաքելության գործունեությունը ՀՀ–ում։ Ադրբեջանի նախագահի օգնական Հիքմետ Հաջիևը հայտարարել է, թե Ադրբեջանն այլևս առաքելության գործունեության անհրաժեշտություն չի տեսնում՝ պատճառաբանելով դա նրանով, որ Բաքուն ու Երևանը համաձայնեցրել են սահմանազատման հանձնաժողովների կանոնակարգը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
