Թումանյան փողոցում երթևեկությունը ժամանակավոր կփոփոխվի

PanARMENIAN.Net - Հոկտեմբերի 2-ից մինչև նոյեմբերի 15-ը՝ ժամը 23:00-ից 07:00-ն հատված առ հատված՝ միակողմանի փակ է լինելու Թումանյան փողոցը: Դա պայմանավորված է մայրաքաղաքում ճանապարհաշինական աշխատանքներով, հայտնում է Երևանի քաղաքապետարանը։

Թումանյան-Սարյան փողոցների խաչմերուկից մինչև Թումանյան-Խանջյան փողոցների խաչմերուկն ընկած ճանապարհահատվածը, այնուհետև՝ հակառակ ուղղությամբ: Երթևեկությունն իրականացվելու է հանդիպակաց ուղղության երթևեկելի մեկ գոտու հաշվին:

Քաղաքապետարանը վարորդներին հորդորում է տրանսպորտային միջոցները չկայանել վերոնշյալ ճանապարհահատվածի երթևեկելի մասում և պատճառվող ժամանակավոր անհարմարությունների համար հայցում քաղաքացիների ներողամտությունը: