ԵԽԽՎ պատգամավորներ․ Այն, ինչ կատարվում է Ադրբեջանում, անընդունելի է՝ իրավիճակն ավելի է վատթարացել 3 հոկտեմբերի 2024 - 13:37 AMT PanARMENIAN.Net - ԵԽԽՎ գերմանացի պատգամավոր Ֆրանկ Շվաբեն հայտարարել է, որ Ադրբեջանում շարունակվում են իշխանություններին քննադատողների և քաղաքացիական հասարակության ներկայացուցիչների հետապնդումները, ինչն անընդուելի է Եվրոպայի խորհրդի անդամ երկրի համար։ «Իրավիճակը սարսափելի է։ Բավական է հիշել այն, որ Բաքուն մերժեց Խոշտանգումների դեմ կոմիտեի մուտքը երկիր։ Բացարձակ անթույլատրելի է, որ ԵԽԽՎ անդամ երկրում խոշտանգումներ են կիրառվում»,–ասել է նա, գրում է Turan-ը։ Պատասխանելով այն հարցին, թե հնարավոր է, որ ԵԽԽՎ–ում Ադրբեջանի պատվիրակության իրավունքները վերականգնվեն, որոնցից երկիրը զրկվել է հունվարի 24–ին՝ Շվաբեն աել է, որ Ադրբեջանում իրավիճակը միայն վատթարացել է։ «Բաքուն անցանկալի անձ է հայտարարել ԵԽԽՎ 76 պատգամավորի, ի՞նչ երկխոսության մասին կարող է խոսք լինել։ Երկրում աճում է քաղբանտարկյալների թիվը։ Թվում էր, թե COP29–ին ընդառաջ դրական փոփոխություններ կլինեն, բայց հակառակն ենք տեսնում»,–ասել է Շվաբեն։ Ադրբեջանի գծով ԵԽԽՎ զեկուցող Լիզ Քրիստոֆերսենն իր հերթին ասել է, որ այն, ինչ կատարվում է Ադրբեջանում, տագնապալի է, և ԵԽԽՎ–ն պետք է հստակ ազդակ ուղարկի Բաքվին, որ պետք է կասեցնել այդ բացասական երևույթները։ «Հատկապես մտահոգիչ են լրագրողների, ակտիվիստների, կառավարության քննադատների ձերբակալությունները, ինչպես նաև օրենսդրությունը, որը թույլ է տալիս կատարել դրանք։ ԵԽԽՎ վերադառնալու համար Ադրբեջանը պետք է փոխի իր վերաբերմունքը կազմակերպության հանդեպ և համագործակցի Եվրոպայի խորհրդի հետ»,–ասել է նա՝ հավելելով, որ այդ առումով Բաքվից դրական ազդակներ չկան։ COP 29-ի նախաշեմին ԵԽ պատգամավորները կոչ են արել կասեցնել ԵՄ և Բաքվի միջև գազային գործարքը, դատապարտել այլախոհների բռնաճնշումներն Ադրբեջանում: Այն նաև կոչ է պարունակում Եվրախորհրդարանին՝ լիագումար նիստում ընդունել բանաձև՝ խստորեն դատապարտելով այլախոհների բռնաճնշումներն Ադրբեջանում։ Հունվարի 24-ին ԵԽԽՎ-ն քվեարկությամբ որոշել էր չվավերացնել Ադրբեջանի պատվիրակության լիազորությունները։ Այս որոշմամբ Ադրբեջանի պատվիրակությունն առնվազն մեկ տարով հեռացվել է ԵԽԽՎ-ից և կարող է վերադառնալ իր կանոնադրական պարտավորությունները կատարելու դեպքում։ Օգոստոսին Ադրբեջանում արգելել են որոշմանը կողմ քվեարկած պատգամավորների մուտքը երկիր։ Պաշտոնական տվյալներով` Ադրբեջանում 23 հայ գերի է պահվում, որոնցից 17-ը գերեվարվել են 2023 թվականի ագրեսիայի հետևանքով։ Բաքվի դատարանը 5 ամսով երկարացրել է Արցախի նախկին պետնախարար, բարերար Ռուբեն Վարդանյանի, Արցախ ռազմաքաղաքական ղեկավարության ներկայացուցիչներ Արայիկ Հարությունյանի, Բակո Սահակյանի, Արկադի Ղուկասյանի, Դավիթ Բաբայանի, Դավիթ Իշխանյանի, Դավիթ Մանուկյանի ե Լեոն Մնացականյանի ապօրինի կալանքի ժամկետը։ Նրանք բոլորը ձերբակալվել են 2023-ի սեպտեմբերի վերջին՝ Արցախից ՀՀ անցնելու ժամանակ, երբ ԱՀ-ն հայաթափվեց Ադրբեջանի ագրեսիայի հետևանքով։   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
