Պուտինը Փաշինյանին հրավիրել է Կազան՝ BRICS-ի գագաթնաժողովին 8 հոկտեմբերի 2024 - 16:58 AMT PanARMENIAN.Net - ՌԴ նախագահ Վլադիմիր Պուտինը ՀՀ վարչապետ Նիկոլ Փաշինյանին հրավիրել է Կազան՝ հոկտեմբերի 22-24–ը կայանալիք BRICS-ի գագաթնաժողովին։ Այդ մասին նա ասել է Փաշինյանի հետ հանդիպմանը։ «Սպասում եմ ձեզ Կազանում՝ BRICS-ի գագաթնաժողովին։ Հուսով եմ, դա կլինի և օգտակար, և հետաքրքիր»,–ասել է նա, հայտնում է ՏԱՍՍ–ը։ «Շատ շնորհակալ եմ»,–ասել է Փաշինյանը։ Պուտինը նշել է, որ BRICS-ի գագաթնաժողովին «բազմաթիվ շփումներ» են ակնկալվում։ «Եվ երկկողմ հանդիպում կանցկացնենք, և հնարավորություն կլինի մի քանի տասնյակ երկրների գործընկերների հետ խոսել, որոնք մտադիր են մասնակցել գագաթնաժողովի աշխատանքին»,–ասել է ՌԴ նախագահը։ Ավելի վաղ հայտնի դարձավ, որ Հայաստանը մասնակցելու է BRICS-ի գագաթնաժողովին վարչապետ Նիկոլ Փաշինյանի մակարդակով։ Այդ մասին ասել է ԱԺ ՔՊ խմբակցության պատգամավոր, Արտաքին հարաբերությունների հանձնաժողովի անդամ Սարգիս Խանդանյանը։ ԱԺ նախագահ Ալեն Սիմոնյանն ասել էր․ «Ինչ վերաբերում է ԲՐԻԿՍ-ին, այո, մասնակցելու որոշում է կայացվել, որովհետև տնտեսական առումով Հայաստանը կարևոր կապեր ունի և չեմ կարծում, որ մենք պետք է մեզ տարածաշրջանից դուրս դնենք: Դուք տեսնում եք, որ տարբեր երկրներ այս իրավիճակում, երբ տարբեր պատժամիջոցներ են գործում, տարբեր ճանապարհներ են փնտրվում գերտերությունների կողմից տնտեսական հոսքերը տեղափոխելու որևէ ձևով։ Հայաստանն, այո, իր շահերից ելնելով պետք է մասնակցի»։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
