Երևանում կանցկացվի WOW!HR Armenia 2024 IV միջազգային համաժողովը և մրցանակաբաշխությունը

8 նոյեմբերի 2024 - 17:26 AMT

PanARMENIAN.Net - Նոյեմբերի 22-ին Երևանում արդեն չորրորդ անգամ կանցկացվի Մարդկային ռեսուրսների կառավարման ոլորտի WOW!HR Armenia 2024 միջազգային համաժողովը և բիզնես մրցանակաբաշխությունը։

Միջոցառման շրջանակում Հայաստանից առաջադրված թեկնածուները, ինչպես նաև Ղազախստանից, Օմանից և Ռուսաստանից հրավիրված բանախոսները կներկայացնեն HR ոլորտում իրենց հաջողված նախագծերը։

Դրանցից են՝

- Al Rawahy Holdings (Օման). Կորպորատիվ մշակույթի ձևավորում;

- «Гринатом» (Ռուսաստան). Ինչպե՞ս ներգրավել և զարգացնել ՏՏ տաղանդները միջուկային արդյունաբերության ոլորտում. Գրինատոմի ճանապարհը;

- Freedom Holding Operations (Ղազախստան). FRHC-ի աշխատակիցների նախաձեռնած բարեգործական միջոցառում;

- ГНИВЦ (Ռուսաստան). Աշխատակիցների ներգրավում բիզնես գործընթացներին և կորպորատիվ մշակույթի զարգացմանը;

- WOW GROUP (Ռուսաստան). Աշխատաշուկայի կառավարման համաշխարհային միտումները

WOW!HR միջազգային համաժողով և մրցանակաբաշխությունը հանրահռչակում է HR լավագույն փորձը աշխարհի 15+ երկրում՝ դրանք հասանելի դարձնելով հանրությանը, նպաստելով բիզնեսների և տնտեսությունների զարգացմանը:

Երևանում համաժողովի անցկացման երեք տարվա ընթացքում միջոցառմանը մասնակցել է հայաստանյան 100-ից ավելի ընկերություն։ Դրանց թվում են՝ Coca-Cola HBC Armenia, Radisson Blu, SoftConstruct, RUSAL Armenia, Benivo, U!Com, Philip Morris International, Ameria Bank և այլ կազմակերպություններ։

«Մասնակցե՛ք WOW!HR Armenia 2024-ին, զարգացրե՛ք HR ոլորտը և դարձե՛ք համաշխարհային HR համայնքի մի մասը»,–ասվում է հաղորդագրության մեջ։

Միջոցառման մանրամասներին ծանոթանալու և տոմսեր ձեռք բերելու համար կարելի է այցելել համաժողովի պաշտոնական էջ։