Բորել․ Ալիևի հայտարարություններն անընդունելի են և խաթարում են COP29-ի նպատակները 14 նոյեմբերի 2024 - 17:55 AMT PanARMENIAN.Net - ԵՄ դիվանագիտության ղեկավար Ժոզեպ Բորելն անընդունելի է համարել Ադրբեջանի նախագահ Իլհամ Ալիևի հայտարարությունները, որը նա արել է Բաքվում ընթացող COP29-ի շրջանակում։ Նա այդ մասին գրել է X-ի իր էջում։ Բորելը նշել է, որ այդ հայտարարությունները խաթարում են COP29-ի նպատակները, և որ ԵՄ–ն սատարում է Ֆրանսիային ու Նիդերլանդներին։ «Առավել ցավալի են Ալիևի մեղադրանքները ԵՄ, Ֆրանսիայի և Նիդերլանդների հասցեին։ Այս անընդունելի հայտարարությունները կարող են խաթարել կլիմայի փոփոխության կոնֆերանսի կենսական նշանակության նպատակները և Ադրբեջանի COP29-ի նախագահության հեղինակությունը։ Մենք սատարում ենք Ֆրանսիային և Նիդերլանդներին»,–ասվում է գրառման մեջ։ Նշվում է նաև, որ ԵՄ-ն և անդամ երկրները կլիմայի գլոբալ ֆինանսավորման ամենամեծ ավանդն ունեն՝ աջակցելով գործընկերներին ամբողջ աշխարհում կլիմայի փոփոխության դեմ պայքարում: «Մենք նաև մերժում ենք Ադրբեջանի իշխանությունների հարձակումները ԶԼՄ–ների և ՈԿԿ–ների դեմ, որոնք պայքարում են երկրում մարդու իրավունքների ոլորտում կրիտիկական իրավիճակի դեմ»,–ասվում է գրառման մեջ։ Ալիևն իր խոսքում քննադատել է Փարիզին Ֆրանսիայի կողմից կառավարվող Խաղաղօվկիանոսյան կղզիներում բողոքի ցույցերը ճնշելու համար։ 20 տարուց ավելի երկիրը միանձնյա կառավարող բռնապետը Ֆրանսիայի իշխանություններին «Մակրոնի ռեժիմ» է անվանել։ Հարյուրավոր քաղբանտարկյալներ բանտերում ունեցող երկրի ղեկավարը փորձել է մարդու իրավունքների վերաբերյալ «դասեր տալ» արևմտյան ժողովրդավարություններին։ Photo. Reuters   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
