  Ադրբեջանն ավերել է Արցախի Տանձատափ եկեղեցու մեծ մասը 19 նոյեմբերի 2024 - 10:18 AMT PanARMENIAN.Net - Ադրբեջանն ավերել է Արցախի Կովսական շրջանի 19–րդ դարի Տանձատափ եկեղեցու մեծ մասը։ Դա են վկայում արբանյակային լուսանկարները, որոնք արվել են 2023 թ. հոկտեմբերի 5–ից մինչև 2024 թ. ապրիլի 30–ը, հայտնում է «Caucasus Heritage Watch»–ը։ Տանիքի մեծ մասը փլուզվել է, ինչպես նաև հարավային պատը, որի մեջ խաչքար կար տեղադրված: Նշվում է, որ եկեղեցին տասնամյակներ շարունակ մնացել է վնասված, բայց կանգուն` մինչև վերջին փլուզումը։ Միջազգային դատարանը 2021 թ. դեկտեմբերին պարտավորեցրել է Ադրբեջանին «կանխել հայկական մշակութային ժառանգության պղծումն ու վանդալիզմի ենթարկելն ու պատժել կատարողներին։ Ասվում էր, որ Բաքուն պետք է հետաքննի և պատասխանատվության կանչի մեղսակից բոլոր կողմերին, որոնք վնաս են պատճառել, «եթե չի կարողացել կանխել դա»։ Նշվում է նաև, որ հայկական եկեղեցիները պետք է ընդգրկվեն Ադրբեջանի հուշարձանների ցանկում և վերականգնում նախատեսվի հայ ճարտարապետների հետ համագործակցությամբ: ՅՈՒՆԵՍԿՕ-ի Մշակույթի և Արտակարգ իրավիճակների կազմակերպության տնօրեն, 1954 թվականի Հաագայի կոնվենցիայի և դրա երկու արձանագրությունների (1954 և 1999 թթ.) քարտուղար Քրիստա Պիկատն ասել է, որ Լեռնային Ղարաբաղն արդեն երկար տարիներ է, ինչ գտնվում է ՅՈՒՆԵՍԿՕ-ի ուշադրության կենտրոնում․ «կառույցը մտահոգված է տարբեր ծագում ունեցող և տարբեր տեսակի մշակութային արժեքների ենթադրյալ ոչնչացման մասին զեկույցներով»։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
