ՌԴ ԳՇ պետ․ Մեծապես ՌԴ ջանքերի շնորհիվ է, որ Բաքվի և Երևանի հարաբերությունների կարգավորման ուղղությամբ առաջընթաց կա 18 դեկտեմբերի 2024 - 17:36 AMT PanARMENIAN.Net - ՌԴ ԶՈւ գլխավոր շտաբի պետ Վալերի Գերասիմովը oտարերկրյա պետությունների ռազմական կցորդների համար ճեպազրույցում հայտարարել է, որ Ռուսաստանը կառուցողական քայլեր է ձեռնարկում Անդրկովկասում, և մեծապես այդ ջանքերի շնորհիվ են Բաքուն և Երևանը հաջողությամբ ընթանում երկկողմ հարաբերությունների կարգավորման ուղղությամբ։ Ըստ նրա՝ ՌԴ գործողությունները հակազդում են տարածաշրջանում Արևմուտքի «ավերիչ գործողություններին», գրում է ՏԱՍՍ–ը: «Ի տարբերություն Արևմուտքի ավերիչ գործողությունների, Ռուսաստանը կառուցողական քայլեր է ձեռնարկում այս տարածաշրջանում։ Մեծապես մեր պետության ջանքերի շնորհիվ է, որ երկկողմ հարաբերությունների կարգավորման ուղղությամբ Բաքվի և Երևանի դրական առաջընթացն ակնհայտ է»,-ասել է նա։ Գերասիմովը հավելել է, որ ավարտվել է միջպետական սահմանազատման գծի ամենաբարդ հատվածներից մեկի սահմանազատումը` Ադրբեջանի Ղազախի և Հայաստանի Տավուշի շրջանների միջև։ Ալիևը հայտարարել է, որ Երևանն ու Բաքուն չեն համաձայնեցրել ապագա խաղաղության պայմանագրի 2 կետ՝ միջազգային ատյաններում միմյանց դեմ հայցերից հրաժարվելն ու սահմանին երրորդ երկրների ուժերի ներկայությունը։ Եվ հենց նույն հարցազրույցում, ինքն իրեն հակասելով, նա ևս 2 նախապայման է առաջ քաշել։ Ալիևը հայտարարել է, որ Հայաստանը մինչև Ադրբեջանի հետ խաղաղության պայմանագրի կնքումը, պետք է փոխի Սահմանադրությունը և ԵԱՀԿ Մինսկի խմբի լուծարման համաձայնություն տա։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
