Առողջապահության նախարարությունը հորդորում է տոնական օրերին ուշադրություն դարձնել երեխաների սննդակարգին։ Նշվում է, որ երեխաներին պետք չէ զրկել տոնական ուտեստներից, սակայն անհրաժեշտ է զգույշ լինել «անծանոթ» սնունդ ընդունելու առումով՝ խնդիրներից խուսափելու համար։
Մասնագետները խորհուրդ են տալիս այս ընթացքում պահպանել երեխայի կանոնավոր սննդակարգը:
Նախարարությունը մի քանի պարզ կանոն է ներկայացրել՝ երեխաների առողջ սննդակարգը պահպանելու համար.
Օգտագործել թարմ և բալանսավորված սնունդ
Ուշադրություն դարձնել ինչպես տանը պատրաստված, այնպես էլ վաճառվող սննդի ժամկետներին
Խուսափել հում կամ վատ ջերմամշակված մսամթերքից
Ձեռնպահ մնալ տնային պայմաններում պահածոյացված մթերք օգտագործելուց
Խուսափել ծանրամարս, մեծաքանակ և ուշ ժամերին սնունդ ընդունելուց
Ընդեղեն օգտագործելիս լինել զգոն, հատկապես մինչև 3 տարեկան երեխաների շրջանում, այն կարող է խցանել շնչուղիները
Խուսափել գազավորված ըմպելիք և քաղցր հյութեր օգտագործելուց
ԱՆ–ն հորդորում է ինքնազգացողության վատացման դեպքում չզբաղվել ինքնաբուժմամբ, դիմել բժշկի:
