  Ջալալ Հարությունյանը մեղավոր է ճանաչվել 20 զինծառայողի մահվան գործով. Նա մեղքը չի ընդունում 16 հունվարի 2025 - 11:09 AMT PanARMENIAN.Net - Սյունիքի մարզի դատարանը մեղավոր է ճանաչել Արցախի Պաշտպանության բանակի նախկին հրամանատար, գեներալ-լեյտենանտ Ջալալ Հարությունյանին՝ Քրեական օրենսգրքի 550-րդ հոդվածի 3-րդ մասով, որը վերաբերում է ռազմական դրության կամ պատերազմի ընթացքում զինվորական ծառայության նկատմամբ անփույթ վերաբերմունքին, առաջացնելով ծանր հետևանքներ։ Այդ մասին հայտնել է տուժողների շահերի ներկայացուցիչ Լիպարիտ Սիմոնյանը, տեղեկացնում է «Ազատությունը»։ Հարությունյանը մեղադրանքը չի ընդունել։ Ըստ Սիմոնյանի՝ դատարանը հաստատել է, որ Ջալալ Հարությունյանը 2020 թվականի 44-օրյա պատերազմի ընթացքում՝ հոկտեմբերի 12-ին, Ֆիզուլիի մոտակայքում գտնվող Ջուվառլու կոչվող բնակավայրի շրջանում, «Ցորի» զորամասի 20 զինծառայողների մահվան համար պատասխանատու է։ Զինվորները, փաստաբանների խոսքով, սխալ հրամանի հետևանքով հայտնվել են ադրբեջանական ուժերի շրջապատման մեջ և սպանվել։ Սիմոնյանը նշել է, որ դեռ պատիժ չի սահմանվել, և հարցը կքննարկվի հաջորդ դատական նիստի ընթացքում։ Ավելին, նա ընդգծել է, որ նման դեպքերի համար նախատեսված է 5-10 տարվա ազատազրկում։ Ջալալ Հարությունյանի փաստաբան Արսեն Սարդարյանն ասել է. «Նա չի ընդունում մեղադրանքը, և մենք միանշանակ բողոքարկելու ենք դատարանի որոշումը»։ Իրավապահների տվյալներով՝ սխալ հրամանի պատճառով զինծառայողները հայտնվել են հակառակորդի թիրախի տակ. արդյունքում զոհվել է 20 զինծառայող, 7-ը վիրավորվել է, իսկ զորամասը անցել է Ադրբեջանի հսկողության ներքո։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
