  ՀՀ–ն ողջունել է Գազայում հրադադարի հաստատման համաձայնագիրը 16 հունվարի 2025 - 11:53 AMT PanARMENIAN.Net - Հայաստանը ողջունել է Գազայում հրադադարի հաստատման մասին համաձայնագիրը, որով նախատեսվում է ապահովել գերիների և պատանդների ազատ արձակումը։ Այդ մասին ասվում է Հայաստանի ԱԳ նախարարության X-ի միկրոբլոգում։ «Հայաստանը ողջունում է Գազայում հրադադարի մասին համաձայնագիրը, որը պետք է ապահովի երկու կողմերի պատանդների և գերիների ազատ արձակումը՝ հույս հայտնելով, որ այն կարևոր նշանակություն կունենա Պաղեստինի և Իսրայելի ժողովուրդների անվտանգության ապահովման և Մերձավոր Արևելքի ավելի լայն տարածաշրջանում համապարփակ խաղաղության և կայունության ճանապարհ հարթելու համար»,-է գրառման մեջ։ ՀՀ ԱԳՆ–ն նաև կարևորել է միջնորդ երկրների ջանքերը։ «Գնահատելի են միջազգային համայնքի՝ հատկապես ԱՄՆ-ի, Կատարի և Եգիպտոսի միջնորդական ջանքերը, որոնք հանգեցրել են այս նշանակալի հանգրվանին»,-նշված է գրառման մեջ։ Հունվարի 15-ին հայտնի դարձավ, որ Իսրայելի և պաղեստինյան ՀԱՄԱՍ շարժման միջև հրադադարի համաձայնագիր է կնքվել։ Որպես միջնորդ են հանդես եկել Կատարը, Եգիպտոսը և ԱՄՆ-ն: Համաձայնագրով նախատեսվում է դադարեցնել 15 ամիս շարունակվող ռազմական գործողությունները։ Կատարի վարչապետ շեյխ Մոհամեդ բին Աբդուլռահման ալ Թանին հայտնել է, որ հրադադարն ուժի մեջ կմտնի հունվարի 19-ին։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
