  ԶԼՄ․ ՀՀ–ից բացի ևս մեկ երկիր է հետաքրքրվում հնդկական Akash համալիրներով 18 հունվարի 2025 - 13:10 AMT PanARMENIAN.Net - Հայաստանից բացի ևս մեկ երկիր է հետաքրքրություն ցուցաբերել հնդկական արտադրության Akash-1S զենիթահրթիռային համալիրների նկատմամբ, գրում է հնդկական Defence.in կայքը։ Նշվում է, որ մոտ 96 տոկոսով տեղական արտադրության այս համալիրի համար Հնդկաստանը բանակցություններ է վարում երկրորդ գնորդի հետ, սակայն, չի բացահայտվում, թե դա որ երկիրն է։ Նշվում է նաև, որ Հայաստանի հետ 720 միլիոն դոլար արժողությամբ Akash-1S-ի արտահանման հաջող գործարքը նշանակալի ձեռքբերում էր Հնդկաստանի համար՝ նպաստելով նրա պաշտպանական տեխնոլոգիաների նկատմամբ միջազգային վստահությանը։ Akash-1S-ը, որը միջին հեռահարության ցամաք-օդ հրթիռային համակարգ է, որն ունակ է խոցել թիրախները 25 կմ շառավղով՝ հայտնաբերելով թշնամական ինքնաթիռները մեծ հեռավորությունների վրա։ Akash-1S-ը Akash համակարգի կատարելագործված տարբերակն է, որը հագեցած է բարելավված որոնման տեխնոլոգիայով՝ թիրախների ավելի արդյունավետ հայտնաբերման և ոչնչացման համար։ Համալիրը կարող է գործել բարդ պայմաններում՝ մեծ բարձրություններում, ցածր ջերմաստիճանների ժամանակ։ Նշվում է, որ Akash-1S-ի նոր տարբերակը կարող է խոցել ինքնաթիռներ, անօդաչու թռչող սարքեր, ուղղաթիռներ և անգամ բալիստիկ հրթիռներ։ Նշվում է նաևմ որ համալիրի միակ թերությունն ավելի մեծ հեռահարության հրթիռի բացակայությունն է, որը մշակման փուլում է։ Ավելի վաղ հնդկական The Economic Times-ը գրել էր, որ Հայաստանը հրթիռներ, ռեակտիվ արկեր և զինամթերք կգնի Հնդկաստանից, զենքի արտահանման խոշոր պայմանագիր է կնքվել։ Նշվում էր, որ Հնդկաստանը Հայաստան կարտահանի նաև Pinaka համազարկային ռեակտիվ համակարգեր, հակատանկային հրթիռներ։ Այնուհետև հայտնի դարձավ, որ Հայաստանը ռազմական կցորդ կունենա Հնդկաստանում։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
