  Փաշինյան. Մենք հարկը ընդհակառակը նվազեցրել ենք 12 փետրվարի 2025 - 19:01 AMT PanARMENIAN.Net - Ազգային ժողովում Կառավարություն-ԱԺ հարցուպատասխանի ընթացքում վարչապետ Նիկոլ Փաշինյանը ներկայացրել է առևտրային գործունեությամբ զբաղվող և շրջանառության հարկով աշխատող քաղաքացիների վերաբերյալ վիճակագրական տվյալներ։ Նա ընդգծել է, որ կառավարությունը ոչ թե ավելացրել, այլ նվազեցրել է հարկերը, հայտնում է 1lurer.am –ը։ «Մենք ի՞նչ ենք արել: Մենք հարկը ընդհակառակը նվազեցրել ենք: Վերջին ասուլիսում էլ, գրաֆիկը ցույց տալով, ասել եմ, որ եթե քաղաքացին մեր հաշվարկով իր ապրանքներն օրինական գրանցում է, հարկերը նվազում են: Օրենքով սահմանված հարկերը նվազում են, դառնում են 1 տոկոս», – նշել է Փաշինյանը։ Վարչապետը հիշեցրել է նաև, որ ավելի վաղ հայտարարել էր՝ այս համակարգով պետք է մի քանի ամիս աշխատել, ապա դիտարկել արդյունքները, և եթե պարզվի, որ հաշվարկներում սխալ է թույլ տրվել, Կառավարությունը պատրաստ է այն ընդունել, քանի որ նպատակը բիզնեսին վնասել չէ, այլ օգնել։ Նրա խոսքով՝ այդ ոլորտում շրջանառության հարկ վճարողների 61․7%-ը տարեկան հայտարարում է մինչև 10 միլիոն դրամ շրջանառություն,։ «Եթե մենք վերցնենք, որ 10 միլիոն է հենց, բայց պարզ է, որ 10 միլիոն չէ, 10 միլիոնի հաշվարկով ստացվում է, որ օրը մոտավորապես 27 հազար դրամի առևտուր են անում մեր սիրելի հայրենակիցները», – ասել է Փաշինյանը։ Նա նշել է, որ այս պարագայում տնտեսագիտական հաշվարկներով նման բիզնեսները պետք է գոյություն չունենային, քանի որ տարեկան հարկային պարտավորությունները կազմում են 500 հազար դրամ։ «61 տոկոսը բիզնեսի տնտեսագիտական հաշվարկով գոյություն չունի: Ո՞նց գոյություն ունի... որովհետև պետք է ինչ-որ ապրանք ձեռք բերի, վարձակալության վճար վճարի, ծախսեր անի: Ցույց տված շրջանառությունը բավարար չէ իրենց գոյության համար: Այսինքն՝ Կառավարությունը պետք է նստի, նայի, ասի՝ հա՛, այդպես էլ կա՞», – նշել է վարչապետը։ Նոր օրենքի համաձայն՝ 2025 թվականի հունվարի 1-ից շրջանառության հարկը կրկնապատկվել է՝ դառնալով 10% բոլոր այն տնտեսվարողների համար, որոնք չեն ներկայացնում ապրանքի ձեռքբերման փաստաթղթեր։ Սակայն պատշաճ փաստաթղթավորման դեպքում հարկը նվազում է՝ կազմելով շրջանառության ընդամենը 1%։ Օրենքը նաև պահանջում է գույքագրել առկա ապրանքը։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
