 Փոխնախարար․ Քաղաքացիները կարող են մինչև 100,000 դրամ փոխհատուցում ստանալ որոշ սոցիալական ծախսերի դիմաց 17 փետրվարի 2025 - 18:32 AMT PanARMENIAN.Net - Ֆիզիկական անձանց համընդհանուր հայտարարագրման շրջանակում քաղաքացիներին հնարավորություն է տրվում մինչև 100, 000 հազար դրամ փոխհատուցում ստանալ առողջապահական և կրթական որոշ ծախսերի դիմաց։ Այդ մասին ասուլիսում մեկ անգամ ևս ասել է ֆինանսների նախարարի տեղակալ Արման Պողոսյանը։ Բուհերի և քոլեջների ուսման վարձերի հետ միասին այժմ հնարավոր կլինի փոխհատուցում ստանալ նաև ոչ ֆորմալ կրթական ծառայություններից օգտվելու դեպքում։ Օրինակ՝ եթե քաղաքացին 2024 թվականին անգլերենի դասերի է հաճախել, երեխային ընդգրկել է ջութակի դասերի կամ մարզադպրոց է ուղարկել, վճարած գումարները կփոխհատուցվեն՝ հայտարարագրի սոցիալական կրեդիտի բաղադրիչով, հայտնում է Արմենպրեսը։ Սոցիալական ծախսերի մեջ ներառվում են նաև երաժշտական, արվեստի, գեղարվեստի, պարարվեստի դպրոցների, արտադպրոցական կենտրոնների, մանկապատանեկան մարզադպրոցների և կրթության պետական կառավարման լիազոր մարմնի կողմից երաշխավորված այլ կրթական ծրագրերի վճարները։ Պողոսյանը նշել է, որ այս փոփոխությունները վերաբերում են բացառապես անկանխիկ կատարված վճարումներին։ «Նոր որոշման նպատակն է ընդլայնել առողջապահության և կրթության գծով սոցիալական ծախսերի շրջանակը, որպեսզի ավելի շատ քաղաքացիներ օգտվեն այս հնարավորությունից»,– ասել է նա։ ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը ընդգծել է, որ ոչ ֆորմալ կրթական ծառայություններ մատուցողները պետք է երաշխավորված լինեն ԿԳՄՍՆ-ի կողմից։ «Այդ անհատները կամ կազմակերպությունները պետք է դիմում ներկայացնեն նախարարությանը, որպեսզի ծրագիրը փորձաքննության ենթարկվի»,– նշել է Սվաջյանը։ Եթե քաղաքացին ստացել է ծառայություն կազմակերպությունից, որը դեռ երաշխավորված չէ, ապա այդ կազմակերպությունը կարող է դիմել ԿԳՄՍՆ՝ կարգավորելու իր կարգավիճակը։ «Փորձելու ենք գործընթացը հնարավորինս արագացնել, որպեսզի քաղաքացիներն օգտվեն փոխհատուցման իրավունքից»,– հավելել է նա։ Արման Պողոսյանը նաև անդրադարձել է հաշվարկային փաստաթղթերի հարցին՝ նշելով, որ տնտեսվարողները կարող են հետին թվով դուրս գրել անհրաժեշտ փաստաթղթերը։ «Սովորաբար, երբ ծառայությունից օգտվում է ֆիզիկական անձը, տրամադրվում է ՀԴՄ կտրոն, բայց ոչ հաշվարկային փաստաթուղթ։ Այժմ քաղաքացին կարող է խնդրել կազմակերպությանը, որ այն տրամադրի համապատասխան փաստաթուղթ»,– նշել է Պողոսյանը։ Եկամուտների համընդհանուր հայտարարագրումն ուժի մեջ է մտնելու նոյեմբերի 1–ից։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
