  Փարիզում քննարկվել են ՀՀ և Ֆրանսիայի տնտեսական համագործակցության հեռանկարները 6 մարտի 2025 - 16:50 AMT PanARMENIAN.Net - Փոխվարչապետ Տիգրան Խաչատրյանի գլխավորած պատվիրակությունը Ֆրանսիա կատարած աշխատանքային այցի շրջանակում հանդիպել է Ֆրանսիայի էկոնոմիկայի, ֆինանսների, արդյունաբերական և թվային ինքնավարության նախարար Էրիկ Լոմբարդին։ Քննարկվել են ՀՀ և Ֆրանսիայի տնտեսական համագործակցության հեռանկարները: Հանդիպման ընթացքում անդրադարձ է կատարվել Հայաստանի և Ֆրանսիայի միջև տնտեսական համագործակցության զարգացման հնարավորություններին՝ ներառյալ փոխադարձ առևտրի և ներդրումների նոր ուղղությունների ուսումնասիրումը, ինչպես նաև մասնավոր հատվածի միջև գործարար կապերի ընդլայնման հնարավորությունները։ Տիգրան Խաչատրյանը, կարևորելով ֆրանսիական ձեռնարկությունների հետ արդեն ձևավորված հաջող համագործակցությունը, ընդգծել է Հայաստանում ֆրանսիական ընկերությունների ներկայության ընդլայնման անհրաժեշտությունը՝ նոր գիտելիքի ներգրավման և գործարար մշակույթի զարգացման տեսանկյունից։ Հանդիպման ընթացքում քննարկվել են նաև նոր համագործակցության հնարավոր ուղղություններ։ Մասնավորապես, խոսվել է Հյուսիս-հարավ ճանապարհային միջանցքի ներդրումային ծրագրի շրջանակում Բարգուշատի թունելի կառուցման աշխատանքներում Ֆրանսիայի կառավարության ֆինանսավորման ներգրավման, ինչպես նաև ֆրանսիական առաջատար շինարարական և ինժեներական ընկերությունների մասնակցության հնարավորության մասին։ Էրիկ Լոմբարդը, ընդգծելով Հայաստանի հետ տնտեսական կապերի խորացման կարևորությունը, վստահեցրել է, որ քննարկված ծրագրերը շարունակելու են մնալ Ֆրանսիայի կառավարության ուշադրության կենտրոնում, և դրանց իրագործման համար կձեռնարկվեն անհրաժեշտ քայլեր։ Կողմերը համաձայնության են եկել համագործակցության հետագա քայլերի և ծրագրերի իրագործման վերաբերյալ։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
