  Անդրանիկ Քոչարյան. Այսօրվա խաղաղ օրը պետք է օգտագործենք 100%–ով, վաղը կարող է չունենանք 20 մարտի 2025 - 18:42 AMT PanARMENIAN.Net - Քաղաքացիական պայմանագիր խմբակցության պատգամավոր Անդրանիկ Քոչարյանը, լրագրողների հետ զրույցում, անդրադառնալով անվտանգային իրավիճակին, նշել է, որ չի կարող մանրամասներ հայտնել առկա ձեռքբերումների մասին, քանի որ դրանք հանրային քննարկման ենթակա չեն։ Նրա խոսքով, դրանք հիմնականում վերաբերում են ռազմարդյունաբերության ոլորտին, հայտնում է Aysor.am-ը։ «Այսօրվա խաղաղ օրը պետք է օգտագործենք 100 տոկոսով, քանի որ դա կարող է վաղը չունենանք։ Եթե մի բան պետք է անենք, որ մեր անվտանգության բարձիկն ամրանա, պետք է այսօր անենք, քանի որ վաղը կարող է ուշանա։ Պետք չի շատ խոսել, պետք է նվիրումով ու հավատով աշխատել։ Անտարբերությունը շարունակում է մեզ ուղեկցել։ Եթե դա հեռացնենք, ապա մեր խնդիրներին կառերեսվենք»,-նշել է նա։ Ադրբեջանի նոր պահանջներին անդրադառնալով՝ Քոչարյանը շեշտել է. «Մեր վարչապետն ասել է, որ պատրաստ է ստորագրել, եթե այդ կետերից դուրս էլի խնդիրներ կան, ապա պետք է խոսենք, հնարավոր է մենք էլ դրանից դուրս ունենանք խնդիրներ, օրինակ՝ գերիների հարցում։ Դրա մասին, գուցե, չի բարձրաձայնվում, բայց օրակարգում կա»։ Մարտի 16–ից սկսած Ադրբեջանի ՊՆ–ն օրը մի քանի անգամ ապատեղեկատվություն է տարածում իբր հայկական կողմից արձակվող կրակոցների մասին։ Հայաստանի ՊՆ–ն հետևողականորեն հերքում այդ հայտարարությունները։ Բաքվի ապատեղեկատվությունը հերքել է նաև ԵՄ դիտորդական առաքելությունը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
