  ԱԴՐԲԵՋԱՆԸ ԱՆՀԱՆԳՍՏԱՑԱԾ Է ԼԵՌՆԱՅԻՆ ՂԱՐԱԲԱՂԻ ՏՆՏԵՍՈՒԹՅԱՆ ՄԵՋ ԻՐԱՆԱԿԱՆ ՆԵՐԴՐՈՒՄՆԵՐԻ ԾԱՎԱԼՈՎ 7 հունիսի 2002 - 23:29 AMT PanARMENIAN.Net - Բաքվում անհանգստացած են Լեռնային Ղարաբաղի եւ Իրանի ընդլայնվող համագործակցությամբ: Ադրբեջանական ԶԼՄ-ների մտահոգությունն է հարուցել, մասնավորապես, Ստեփանակերտում Իրանի գործարարների կողմից հիմնված, գազամուղների, ջրատարների եւ ոռոգման համակարգերի շինարարության ժամանակ կիրառվող, պոլիէթիլենային խողովակների արտադրության մասին տեղեկությունները: Ղարաբաղի տնտեսության մեջ մասնավոր կապիտալի ներդրումները, Բաքվում հրատարակվող «Էխո» թերթի մեկնաբանի կարծիքով, հավանություն են ստանում պաշտոնական Թեհրանի կողմից: «Իրանում փակ հասարակություն է, խիստ պետական վերահսկողությամբ, եւ դժվար թե կարելի է պատկերացնել, որ գործարարները նման քայլի են դիմում առանց իշխանությունների հավանության կամ գոնե լռակյաց համաձայնության»,- գրում է թերթը: Հոդվածի հեղինակը հիշեցնում է նման այլ նախագծերի մասին: Հիշատակվում է ՋԷԿ-ը, որը, իբր, Իրանը Հայաստանի հետ համատեղ պատրաստվում էր կառուցել ղարաբաղյան անվտանգության ուժերի կողմից վերահսկվող տարածքում, Խուդաֆերիի կամուրջի մոտ սահմանի անցակետը, զարգացող սահմանամերձ առեւտուրը: Թերթը վրդովմունք է հայտնում այն կապակցությամբ, որ «Ադրբեջանի իշխանությունների կողմից չեղավ հստակ անդրադարձ Լեռնային Ղարաբաղում Իրանի ներդրումային ակտիվության վերաբերյալ»: Լրատվության արտատպելու, կամ օգտագործելու դեպքում հղումը "PanARMENIAN.Net -ի վրա պարտադիր է:   Ուշագրավ Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ   Ամենաընթերցվողը բաժնում |  Վերջին լուրեր Սոկուրովը մագիստրոսական դասընթաց կվարի Երևանի թատրոնի և կինոյի ինստիտուտում  Բուհում արվեստանոց ունենալու առաջարկը նա ստացել է ռեկտորիցՌուբինյան․ Հենց վաղը հնարավոր եմ համարում պայմանագրի ստորագրումը, եթե Բաքվի մոտեցումը լինի կառուցողական «Այն փաստը, որ այսօր չենք ստորագրում, նշանակում է, որ տեքստն ամբողջականացված չէ»,-ասել է նա |
