Միասնական եւ ավարտական քննությունների թեսթերն արդեն Լոնդոնից բերվել են Հայաստան

PanARMENIAN.Net - Այսօր միասնական եւ ավարտական քննությունների նախօրեին Գնահատման եւ թեսթավորման կենտրոնում տեղի է ունեցել Հայաստանի կրթության եւ գիտության փոխնախարար Մանուկ Մկրտչյանի մամլո ասուլիսը:



Միասնական եւ ավարտական քննությունների թեսթերն արդեն Լոնդոնից բերվել են Հայաստան: Դրանք պահպանվում են «Արարատ» բանկի տարբեր մասնաճյուղերում: Բայց քննական թեսթերի պահպանման եւ հրատարակման որակի համար պատասխանատվություն է կրում Գնահատման եւ թեսթավորման կենտրոնը, որը նաեւ զբաղվում է կազմակերպչական հարցերով: Միասնական քննությունների բովանդակության առումով պատասխանատվություն է կրում Հայաստանի կրթության եւ գիտության նախկին նախարար Սպարտակ Սեյրանյանը:



Հայաստանի մարզերում աշակերտներն արդեն ստացել են իրենց անցագրերը, որոնց վրա առկա է դիմորդի համարը, որը պարտադիր պետք չէ գրել բուհ դիմելիս: Երեւանում փուլ առ փուլ անցագրեր են ուղարկում դպրոցներին:



«Այս տարի միասնական ընտրություններից հետո տեղի կունենան ավարտական ընտրությունները: Հակառակ դեպքում կծագեն դժվարություններ: Մենք նոր մեթոդով փորձում ենք աստիճանաբար լավացնել քննությունների արդյունքները եւ համակարգը: Թեսթերի ստեղծողները վստահելի մարդիկ են, որոնք թույլ չեն տա թեսթերի բովանդակության մասին տեղեկատվության հոսք»,- նշել է Հայաստանի կրթության եւ գիտության փոխնախարար Մանուկ Մկրտչյանը:



Միասնական ընտրություններն անցկացվելու են հունիս ամսի յուրաքանչյուր երեքշաբթի եւ ուրբաթ օրերին: Քննությունների տեւողությունը բոլոր առարկաների համար լինելու է 3 ժամ,բացառությամբ օտար լեզուների քննությունների, որոնց հատկացված է 2.5 ժամ: