Շինարարական ընկերությունների սեփականատերը վերադարձրել է պետությանը $1.6 մլն վնասը 14 ապրիլի 2025 - 15:43 AMT PanARMENIAN.Net - Քննչական կոմիտեում քննվող քրեական վարույթի շրջանակում բացահայտվել է, որ Երևանում բազմաբնակարան շենքեր կառուցող և բնակարանների վաճառքով զբաղվող երկու ընկերությունների բաժնեմասերի՝ համապատասխանաբար 50 և 100 տոկոս սեփականատերը, այդ ընկերությունների տնօրենի հետ նախապես համաձայնեցված կերպով, 2020-2024 թվականների ընթացքում դիտավորյալ թաքցրել է ընկերությունների իրական եկամուտները՝ խուսափելով առանձնապես խոշոր չափերով հարկեր վճարելուց և այդ կերպ ապահովելով լրացուցիչ շահույթ։ Ըստ ՀՀ դատախազության՝ Երևան քաղաքի Պարույր Սևակ փողոցի 51/2 և Վրացական փողոցի 16/5 հասցեներում կառուցվող բազմաբնակարան շենքերի բնակարանների վաճառքի պայմանագրերում նշվել են գույքի արժեքի նվազեցված թվեր՝ իրական գնի փոխարեն։ Քանի որ քրեական վարույթով ձեռք են բերվել հանցագործության կատարման մասին բավարար ապացույցներ, 2025-ի ապրիլի 11-ին դատախազը, հանդես գալով սեփական նախաձեռնությամբ, հարուցել է հանրային քրեական հետապնդում՝ վերոհիշյալ անձանց նկատմամբ՝ ՀՀ քրեական օրենսգրքի 290-րդ հոդվածի 3-րդ մասի 1-ին և 2-րդ կետերով՝ մի խումբ անձանց կողմից նախնական համաձայնությամբ խոշոր չափերով հարկերից խուսափելու հատկանիշներով։ Հետապնդման որոշումների կայացումից հետո մեղադրանք է առաջադրվել վերոնշյալ անձանց։ Արդյունքում ընկերությունների սեփականատերը ճանաչել է խոշոր չափերով հարկերից խուսափելու փաստը և ամբողջությամբ փոխհատուցել է պետությանը պատճառած վնասը, որը կազմել է 650 միլիոն դրամ՝ համարժեք 1 միլիոն 662 հազար ԱՄՆ դոլարի։ Նախաքննությունը շարունակվում է։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
