  Մամիջանյան. Ադրբեջանի հետ բանակցություններում պետք է ներգրավել միջազգային միջնորդ, երաշխավոր 23 ապրիլի 2025 - 15:25 AMT PanARMENIAN.Net - Ազգային ժողովի «Պատիվ ունեմ» խմբակցության ղեկավար Հայկ Մամիջանյանը կարևորել է միջազգային միջնորդի ներգրավվածությունը Հայաստանի և Ադրբեջանի միջև ընթացող բանակցություններում՝ նշելով, որ ներկայիս ձևաչափը չի բերում ցանկալի արդյունքի։ «Գուցե, պետք է գոնե հիմա փորձել այլ ճանապարհ՝ ներգրավել միջազգային միջնորդ, ներգրավել բանակցային գործընթացի երաշխավոր, վերափոխել բանակցությունների տրամաբանությունը և այլն»,–հայտարարել է Մամիջանյանը, հայտնում է Արմենպրեսը։ Նրա կարծիքով՝ ինչպես ներկայիս հակամարտությունը, այնպես էլ համաշխարհային պատմության բազմաթիվ հակամարտություններ երբեք չեն կարգավորվել առանց վստահելի միջնորդի մասնակցության։ «Չկա նման դեպք պատմության մեջ»,–ասել է ընդդիմադիր խմբակցության ղեկավարը։ Մամիջանյանը հստակեցրել է, որ միջնորդության հարցում չի դնում աշխարհաքաղաքական նախապայմաններ, քանի որ նպատակն է գտնել այնպիսի դերակատար, որն ունենա երկու հիմնական հատկանիշ։ «Անհրաժեշտ է գտնել մի որևէ երկիր կամ միջազգային կազմակերպություն, որը համապատասխանում է երկու մինիմալ պահանջների: Առաջինը՝ ունակ է ներգրավվել, կարող է իր հեղինակությամբ այնպես անել, որ երկու կողմերն էլ ընդունեն իր միջնորդական ծառայությունները: Երկրորդը՝ այն այս կամ այն կերպ ներգործողություն և ներկայություն ունի տարածաշրջանում, ում ասածը կարող է գնալ անդին, քան հայտարարությունները: Բացառությամբ Թուրքիայի՝ ցանկացած կողմ և ցանկացած միջազգային կազմակերպություն, որը համապատասխանում է այս երկու մինիմալ պահանջներին, կարծում եմ, որ շատ ավելի լավ արդյունքի կբերի, քան այս պահին ընթացող բանակցությունները»,–ընդգծել է Մամիջանյանը։ Վերջին շրջանում ՀՀ և Ադրբեջանի միջև բանակցություններն ընթանում են երկկողմ ձևաչափով, առանց միջնորդի ներգրավման։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
