  ՀՀ–ում կենսաչափական համակարգի ներդրմամբ կզբաղվի ֆրանսիական կոնսորցիումը 26 ապրիլի 2025 - 10:46 AMT PanARMENIAN.Net - Հայաստանում կենսաչափական համակարգի ներդրման գործընթացը նոր փուլ է մտել՝ մրցույթում հաղթող է ճանաչվել «IDEMIA Identity Security France and A.C.I. Technology S.à.r.l.» ֆրանսիական կոնսորցիումը, հայտնում է ՆԳՆ-մ։ Ապրիլի 25-ին ՀՀ ՆԳ նախարար Արփինե Սարգսյանը և կոնսորցիումի հիմքով ստեղծված «HAYPASS» ՓԲԸ-ի գործադիր տնօրեն Ռեջիս Բուշյեն ստորագրել են ՊՄԳ պայմանագիր, որը վերաբերում է անձը հաստատող փաստաթղթերի թողարկմանը և տրամադրմանը, ինչպես նաև փաստաթղթեր տրամադրելու միջոցների շահագործմանն ու սպասարկմանը։ Պայմանագիրը ստորագրվել է «Հայաստանի Հանրապետությունում կենսաչափական անձնագրերի և նույնականացման քարտերի տրամադրման ենթակառուցվածքի պետություն-մասնավոր գործընկերության (ՊՄԳ) ծրագրի» շրջանակում։ «HAYPASS» ՓԲԸ-ն մինչև 2026 թվականի երկրորդ կիսամյակը նախատեսում է ներդնել նոր ենթակառուցվածք՝ ներառյալ կենսաչափական տվյալների հավաքագրման առաջատար լուծումներ, ինչպես նաև ստեղծել նոր աշխարհագրական ցանց՝ արդիական գրասենյակներով, որոնք կտրամադրեն միջազգային ստանդարտներին համապատասխան տեխնիկական ապահովում։ Ծրագրում ներառված է նաև Ծառայության գլխամասային գրասենյակի շենքային պայմանների բարելավում, սերվերային ենթակառուցվածքի և տպագրական սարքավորումների ստանդարտացում։ Ծրագրի իրագործման արդյունքում ՀՀ քաղաքացիներին, ինչպես նաև ՀՀ–ում այլ իրավական կարգավիճակ ունեցող անձանց, կտրամադրվեն անվտանգ և որակյալ անձը հաստատող փաստաթղթեր, և սահմանվելու է անձնական տվյալների ու իրավական ինքնության պաշտպանության նոր մակարդակ։ Անձնագրային գործառույթների բաշխման շրջանակում, կարգավիճակի որոշման, ինքնության հաստատման, ինչպես նաև բնակչության պետական ռեգիստրի կառավարման գործառույթները կշարունակի իրականացնել ՆԳ նախարարությունը Միգրացիայի և քաղաքացիության ծառայության միջոցով, իսկ կենսաչափական տվյալների հավաքագրումը, փաստաթղթերի տպագրությունն ու տրամադրումը կիրականացնի մասնավոր գործընկերը։ «Պայմանագրի կնքումը կարևոր քայլ է նաև ՀՀ–ԵՄ մուտքի վիզաների ազատականացման երկխոսության համատեքստում, քանի որ կենսունակ և մոդեռն կենսաչափական համակարգի առկայությունը գործընթացի պարտադիր պահանջ է»,- ասված է հաղորդագրության մեջ։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
