  Իրանում ապրիլի 28-ը սգո օր է․ ՀՀ ԱԳՆ–ն ցավակցել է պայթյունի զոհերի հարազատներին 28 ապրիլի 2025 - 10:28 AMT PanARMENIAN.Net - Իրանում ապրիլի 28-ը հայտարարել է համազգային սգո օր Բենդեր Աբաս նավահանգստում տեղի ունեցած հզոր պայթյունի հետևանքով: Զոհերի թիվը հասել է 40-ի, հայտնում է իրանական IRNA գործակալությունը: Վիրավորների թիվը գերազանցել է 1000-ը։ Նավահանգստում պայթյունի հեևանքով մեծ ավերածություններ են. հրդեհը, որն ընդգրկել է ենթակառուցվածքների զգալի մասը, շարունակվում է ավելի քան մեկ օր, այրվում են քիմիական նյութերով լցված պահեստները: Չնայած փրկարարների ջանքերին՝ կրակը ամբողջությամբ մեկուսացնել դեռ չի հաջողվում: ՀՀ ԱԳՆ-ն ցավակցություն է հայտնել Իրանում տեղի ունեցած պայթյունի զոհերի հարազատներին։ Այս մասին գրառում է հրապարակվել նախարարության X միկրոբլոգի պաշտոնական էջում։ «Խորապես վշտացած ենք Բենդեր Աբաս քաղաքում տեղի ունեցած ողբերգական պայթյունից, որը բազմաթիվ զոհերի պատճառ է դարձել։ Մեր խորին ցավակցությունն ենք հայտնում Իրանի կառավարությանը և բարեկամ ժողովրդին, ինչպես նաև զոհվածների ընտանիքներին և հարազատներին: Տուժածներին՝ շուտափույթ ապաքինում»,–ասվում է գրառման մեջ։ Պայթյունը տեղի է ունեցել ապրիլի 26-ին, պատճառը դեռ պարզված չէ: Իրանի գերագույն առաջնորդ Այաթոլլա Ալի Խամենեին պաշտոնյաներին կոչ է արել մանրակրկիտ հետաքննություն անցկացնել: Photo. AFP   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
