 Փաստաբան․ Չի կազմակերպվել դատաբժշկի այցը ԲԿ՝ Չախոյանի նկատմամբ փորձաքննություն իրականացնելու համար 3 մայիսի 2025 - 10:47 AMT PanARMENIAN.Net - Նոր Նորքի վարչական շրջանում թաղապետի մասնակցությամբ ծեծկռտուքի հետևանքով հիվանդանոց տեփափոխված ակտիվիստ Արթուր Չախոյանի նկատմամբ փորձաքննություն իրականացնելու համար դատաբժշկի այցը ԲԿ չի կազմակերպվել։ Այդ մասին ֆեյսբուքյան իր էջում հայտնել է նրա փաստաբան Վահե Եփրիկյանը։ Փաստաբանը հիշեցրել է, որ Չախոյանը հոսպիտալացվել է Սուրբ Գրիգոր Լուսավորիչ բժշկական կենտրոն և մինչ օրս շարունակում է ստանալ ստացիոնար բուժում՝ այն վնասվածքներից, որոնք, իր պնդմամբ, պատճառվել են «Նոր Նորքի թաղապետի և նրա հանցակիցների գործողությունները»։ «Քննիչի կողմից նախորդիվ իրավացիորեն կայացվել էր Արթուր Չախոյանի նկատմամբ դատաբժշկական փորձաքննություն իրականացնելու որոշում, որը, սակայն, անհնարին է, քանի որ ըստ բժիշկների` Չախոյանը դեռ պետք է շարունակի ստանալ համապատասխան բուժում և քանի դեռ դուրս չի գրվել ԲԿ ֊ից, չի կարող այցելել դատաբժշկի` փորձաքննության ենթարկվելու։ Հարկ եմ համարում իրազեկել, որ չի կազմակերպվել նաև դատաբժշկի այցը ԲԿ տեղում Ա. Չախոյանի նկատմամբ փորձաքննություն իրականացնելու համար, որպիսի հանգամանքով պայմանավորված` այսօր պաշտպանության կողմն է հանդես եկել համապատասխան միջնորդությամբ։ Հատկանշական է, որ Ա. Չախոյանի նկատմամբ փորձաքննության իրականացման հապաղումը կարող է բացասաբար անդրադառնալ վերջինիս ստացած վնասվածքների իմաստով ճիշտ հետևությունների հանգելու, օբյեկտիվ եզրակացություն կայացնելու համաի, ինչը էական նշանակություն կարող է ունենալ Նոր Նորքի թաղապետի ու իր հանցակիցների իրականացրած գործողություններին պատշաճ քրեաիրավական գնահատական տալու կապակցությամբ»,–ասվում է գրառման մեջ։ Նոր Նորքի թաղապետարանում ծեծկռտուքի առնչությամբ հարուցված քրեական վարույթի շրջանակում բոլոր չորս մեղադրյալների, այդ թվում՝ թաղապետի նկատմամբ, որպես խափանման միջոց է կիրառվել երկրից բացակայելու արգելքը։ Մեկ այլ՝ մի խումբ անձանց կողմից տեղեկատվական կամ հաղորդակցական տեխնոլոգիաների միջոցով խուլիգանություն իրականացնելու հատկանիշներով հարուցված քրեական վարույթի շրջանակում երկու անձի՝ ակտիվիստ Արթուր Չախոյանի և Երևանի ավագանու «Մայր Հայաստան» խմբակցության անդամ Մեսրոպ Մանուկյանի նկատմամբ նույնպես կիրառվել է բացակայելու արգելքը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
