  ՀՀ և Նիդերլանդների ղեկավարները քննարկել են երկխոսության ակտիվացման և տնտեսական կապերի ընդլայնման հարցեր 17 մայիսի 2025 - 13:28 AMT PanARMENIAN.Net - Տիրանայում տեղի ունեցած հանդիպման ընթացքում Հայաստանի վարչապետ Նիկոլ Փաշինյանը հանդիպել է Նիդերլանդների Թագավորության վարչապետ Հենդրիկուս Վիլհելմուս Մարիա Սխոուֆի հետ, խոսել քաղաքական շփումների ակտիվացման, տնտեսական համագործակցության ընդլայնման, ինչպես նաև ժողովրդավարական գործընթացների ոլորտում փոխգործակցության զարգացման կարևորության մասին։ Վարչապետ Փաշինյանը կարևորել է Հայաստանի ու Նիդերլանդների միջև բարեկամական և փոխադարձ հարգանքի վրա հիմնված հարաբերությունների շարունակական զարգացումն ու խորացումը։ Նրանք նաև մտքեր են փոխանակել Հայաստան-Եվրոպական միություն հարաբերությունների ընթացքի, ինչպես նաև Հայաստան-Ադրբեջան խաղաղության գործընթացի վերաբերյալ։ Վարչապետ Փաշինյանը զրուցակցին ներկայացրել է «Խաղաղության խաչմերուկ» նախաձեռնությունը՝ մատնանշելով դրա հնարավոր դերը տարածաշրջանում կայունության և համագործակցության ապահովման գործում։ Հայաստանի և Նիդերլանդների ղեկավարները վերահաստատել են երկխոսության շարունակման և փոխադարձ հետաքրքրություն ներկայացնող ոլորտներում համատեղ նախաձեռնությունների խորացման հանձնառությունը։ Վարչապետ Փաշինյանն Ալբանիայում մասնակցել է Եվրոպական քաղաքական համայնքի վեցերորդ հերթական գագաթնաժողովին։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
