  Ճամբարակում պայթյունից զոհերի թիվը հասել է 3-ի 11 հունիսի 2025 - 12:49 AMT PanARMENIAN.Net - Ճամբարակում հունիսի 11–ի առավոտյան տեղի ունեցած պայթյունից զոհերի թիվը հասել է 3-ի։ Հրշեջ-փրկարարները որոնողափրկարարական շարունակվող աշխատանքների արդյունքում փլատակներից հայտնաբերել են շենքի բնակիչներից ևս մեկի դին, հայտնում է ՆԳՆ Փրկարար ծառայությունը։ Նախնական տվյալներով՝ Ճամբարակում շենքի երրորդ հարկի բնակարաններից մեկում գազ է պայթել, արդյունքում փլուզվել են 4-րդ, 3-րդ և 2-րդ հարկի բնակարանները, մասամբ փլուզվել են կից մուտքի բնակարանները: Կան տուժածներ, որոնք հոսպիտալացվել են։ Պայթյունի հետևանքներով պայմանավորված՝ մարզպետ Կարեն Սարգսյանը հրավիրել է շտապ խորհրդակցություն հենց Ճամբարակում։ Մարզպետը հանձնարարել է ձևավորել մի խումբ, որը կգնահատի առաջացած կարիքները։ Մարզպետարանի փոխանցմամբ՝ տրվել են նաև հանձնարարականներ՝ մարզի բուժհաստատություններից ներգրավել լրացուցիչ բուժանձնակազմ և շտապօգնության մեքենաներ, ինչպես նաև անհրաժեշտ շինարարական տեխնիկա՝ փրկարարական և վերականգնման աշխատանքներին աջակցելու նպատակով։ Հունիսի 11-ին, ժամը 08:34-ին Գեղարքունիքի մարզային փրկարարական վարչության ճգնաժամային կառավարման կենտրոն է հաղորդում ստացվել, ըստ որի՝ Ճամբարակ քաղաքի Գարեգին Նժդեհի փողոցի շենքերից մեկի բնակարանում բռնկվել է հրդեհ։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ, ինչպես նաև փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի երկու խումբ՝ կինոլոգների ուղեկցությամբ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
