Իր հոբելյանի առթիվ «21-րդ դարի հեռանկարներ» փառատոնը դասական երաժշտության բոլոր սիրահարներին նվեր կմատուցի 6 հունիսի 2009 - 18:33 AMT PanARMENIAN.Net - «21-րդ դարի հեռանկարներ» միջազգային երաժշտական փառատոնի շրջանակներում առաջին համերգը տեղի է ունեցել 10 տարի առաջ` 1999-ի հոկտեմբերին: Հոբելյանական գալա-համերգը տեղի կունենա 2009-ի նույն օրը Երեւանում Կարեն Դեմիրճյանի անվան ՄՀՀ-ում:«4-ժամյա համերգային ծրագրին մասնակցելու են աշխարհահռչակ երաժիշտներ»,- հունիսի 6-ին տեղի ունեցած մամլո ասուլիսի ժամանակ հայտարարել է փառատոնի գլխավոր մենեջեր Սոնա Հովհաննիսյանը: Հոբելյանական գալա-համերգի ժամանակ «21-րդ դարի հեռանկարներ»10-րդ միջազգային երաժշտական փառատոնի կազմակերպիչներն ընտրել են Հայաստանի ամենամեծ համերգասրահը չնայած նրան, որ այդ սրահի ակուստիկան նախատեսված չէ դասական համեգների համար: «Ակնհայտ է, որ ընտրված դահլիճը փոքր է համերգի համար, որին մասնակցելու են տասնյակ անվանի երաժիշտներ, իսկ Հայաստան հրավիրել երաժշտական աշխարհի վիրտուոզներին եւ հնարավորություն չտալ լինել իր չափերով միակ համերգին, անարդարցի կլիներ»,- այսպես է բացատրել համերգասրահի ընտրությունը փառատոնի նախագահ եւ գեղարվեստական ղեկավար, կոմպոզիտոր Ստեփան Ռոստոմյանը: Սեփական հոբելյանի առթիվ դասական երաժշտության լավագույն փառատոներից մեկը` «21-րդ դարի հեռանկարներ» 10-րդ միջազգային երաժշտական փառատոնը, բացի տոնական համերգից, մի քանի նվերներ է մատուցելու Հայաստանի բնակիչներին եւ պրոֆեսիոնալ երաժիշտներին. համերգին մասնակցելու են մի քանի եվրոպական երկրների թագավորական ընտանիքների ներկայացուցիչներ, համաշխարհային նշանակության երաժշտական փառատոների մենեջերներ եւ գործակալներ: «Մենք փորձում ենք հայ կոմպոզիտորներին եւ երաժիշտներին հնարավորություն ընձեռել դուրս գալու համաշխարհային բեմ: Հայաստանհում ստեղծվում է ժամանակակից դասական երաժշտություն եւ մնում է այստեղ, մինչդեռ այդ երաժշտությունն ավելիին է արժանի` համաշխարհային ճանաչման»,- ասել է փառատոնի գեղարվեստական ղեկավարը: Փառատոնի մենեջերն իր հերթին ավելացրել է.«Մենք նոր ծրագիր ենք ունենալու, որի համաձայն «21-րդ դարի հեռանկարներ»10-րդ միջազգային երաժշտական փառատոնը թելադրելու է ժամանակակից հայ կոմպոզիտորների երաժշտությունը եւ ապահովելու է նրանց կատարումն արտասահմանյան տարբեր համերգներում»: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |