  Այն միգրանտները, ովքեր խախտել են օրենքը, չեն կարող ազատ մուտք գործել Ռուսաստան 13 սեպտեմբերի 2025 - 14:09 AMT PanARMENIAN.Net - Այն միգրանտները, ովքեր խախտել են օրենքը, չեն կարող ազատ մուտք գործել Ռուսաստան։ Նույնիսկ ՌԴ–ում ընտանիք ունենալը չի ազատում նրանց Ռուսաստան մուտք գործելու սահմանափակումից, հայտնում է ՌԻԱ Նովոստին։ Դատական գործի հիմքում վիետնամցի կնոջ դեպքն է։ 2023 թ. սեպտեմբերին նա ժամանել է Ռուսաստան՝ եռամսյա վիզայով, սակայն վիզայի ժամկետը լրանալուց հետո երկիրը չի լքել և մնացել է Ռուսաստանում ևս 193 օր՝ թույլատրելի ժամկետը գերազանցելով։ Երբ նա կրկին փորձել է մուտք գործել երկիր, նրան մերժել են՝ նշելով միգրացիոն օրենսդրության խախտումը։ Կինը վիճարկել է այդ որոշումը՝ ընդգծելով, որ իր ամուսինը՝ բնակության թույլտվությամբ, և իրենց անչափահաս որդին բնակվում են Ռուսաստանում։ Նա նաև ծրագրել է փաստաթղթեր ներկայացնել բնակության թույլտվության համար։ Երկու ատյանների դատարանները ընդունել են նրա պահանջը, սակայն բողոքարկման դատարանը բավարարել է ոստիկանության բողոքը՝ չեղարկելով նախորդ որոշումները։ «Ըստ Ռուսաստանի Դաշնության Սահմանադրության՝ երկրի մեջ անխոչընդոտ մուտք գործելու իրավունքը ճանաչվում է միայն Ռուսաստանի քաղաքացիների համար, իսկ ազատ տեղաշարժվելու և բնակության վայր ընտրելու իրավունքը՝ միայն նրանց, ովքեր օրինական հիմքով գտնվում են Ռուսաստանի տարածքում», – նշել է դատարանը։ Photo. Ria Novosti   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
