Եվրախորհրդարանի ընտրություններում հաղթել են աջակողմյան կուսակցությունները

PanARMENIAN.Net - Եվրախորհրդարանի ընտրությունների քվեարկության ընթացքում, որոնք տեղի են ունեցել հունիսի 4-7-ը, եվրոպական ընտրողները որոշել են Եվրախորհրդարանի 736 մանդատների ճակատագիրը: Համաձայն ԵՄ ընտրությունների նախնական արդյունքների, աջակողմյան կուսակցությունները հսկողություն կպահպանեն Եվրախորհրդարանում, թեեւ կցուցաբերեն ավելի վատ արդյունք, քան 5 տարի առաջ էր:

Այդ քվեարկության ընթացքում եվրոպացի ընտրողները որոշել են 736 մանդատների ճակատագիրը: Նախնական տվյալները վկայում են. ընտրատեղամասերի հայտերը կազմել են 43,24 տոկոս, սա Եվրախորհրդարանի ընտրությունների ացնկացման պատմության մեջ ամենացածր ցուցանիշն է: Վերջին 30 տարում հայտը համարյա միշտ նվազել է. եթե 1979-ին այն 61 տոկոսից ավել էր, ապա 2004-ին չի հասել 46 տոկոսի:



Սպասվում է, որ ձախակողմյան կուսակցությունները Եվրախորհրդարանում կստանան 155-165 տեղ 2004-ին ստացած 216-ի փոխարեն:

Բոլոր խոշոր խմբակցություններն ավելի քիչ աթոռներ կստանան, քան 2004-ի ընտրություններից հետո:



Աջակողմյան Եվրոպական ժողովրդական կուսակցությունը (ԵԺԿ), ամենայն հավանականությամբ կստանա 263-273 տեղ, դա նույնպես ավելի քիչ է, քան նախորդ ընտրությունների ժամանակ:



Ազատված տեղերը կզբաղեցնեն ավելի փոքր միավորումների թեկնածուները, օրինակ` Կանաչների կուսակցությունը:

Ժոզե Մանուել Բարրոզուն, որին, դատելով աջերի հաղթանակից, ամենայն հավանականությամբ վերաընտրելու են Եվրախորհրդարանի նախագահ, ընտրողներին շնորհակալություն է հայտնել եւ հավաստիացրել, որ նրանց ձայները լսվելու են:



Քվեարկության արդյունքների ստացումը ԵՄ 27 երկրներում շարունակվում է, հաղորդում BBC ռուսական ծառայությունը: