Գլխավոր դատախազությունը պահանջում է բռնագանձել նախկին համայնքապետի գույքն ու միջոցները

PanARMENIAN.Net - Հակակոռուպցիոն դատարանը վարույթում ընդունել է հերթական հայցը՝ ապօրինի գույքի բռնագանձման պահանջով։

ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունը հայց է ներկայացրել դատարանին՝ պարտավորեցնելու Արարատի մարզի Այնթապ համայնքի նախկին ղեկավար Կարեն Անդրանիկի Սարգսյանին հօգուտ Հայաստանի Հանրապետության բռնագանձել գույքի և միջոցների համախումբ, որոնք, ըստ դատախազության, չունեն օրինական ծագման հիմնավորում։

Գործով պահանջվում է պետության սեփականություն ճանաչել ու բռնագանձել՝

13 միավոր անշարժ գույք,

5 տրանսպորտային միջոց,

1 մասնակցություն իրավաբանական անձում,

ինչպես նաև 216 միլիոն դրամի չափով գումար, որը չի ապացուցվում օրինական եկամուտներով, համարվում է ապօրինի ծագման, փոխանցվել է բարեխիղճ ձեռք բերողի կամ հնարավոր չէ նույնականացնել՝ ուստի ենթակա է բռնագանձման։