  Ալիևը՝ Կոպենհագենում․ Երևանն ու Բաքուն արդեն հարմարվել են խաղաղ կյանքին 2 հոկտեմբերի 2025 - 18:19 AMT PanARMENIAN.Net - Հոկտեմբերի 2-ին Ադրբեջանի նախագահ Իլհամ Ալիևը Կոպենհագենում Եվրոպական միության խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի հետ հանդիպմանը հայտարարել է, որ «Ադրբեջանն ու ՀՀ–ն արդեն հարմարվել են կյանքին՝ խաղաղ պայմաններում» և որ «Ադրբեջանը շարունակելու է խաղաղ նախաձեռնությունների առաջմղումը»։ Նա հավելել է, որ խաղաղության օրակարգի հետ կապված ձեռքբերումներն ունեն պատմական նշանակություն ամբողջ տարածաշրջանի,այդ թվում Հայաստանի և Ադրբեջանի համար, հայտնում է APA-ն։ Անտոնիու Կոշտան և Ուրսուլա ֆոն դեր Լայենը շնորհավորել են Ադրբեջանի նախագահին Վաշինգտոնում Հայաստանի և Ադրբեջանի միջև խաղաղ օրակարգի առաջխաղացման առիթով՝ հույս հայտնելով, որ դա կդառնա հիմք տարածաշրջանում ամուր խաղաղության համար։ Նրանք հավաստիացրել են, որ ԵՄ-ն շարունակելու է ջանքեր գործադրել խաղաղության պահպանման համար և ընդգծել են տարածաշրջանում տրանսպորտային հաղորդակցության զարգացման կարևորությունը։ Հանդիպման մասնակիցները համաձայնվել են, որ Ադրբեջանի և ԵՄ-ի միջև կան համագործակցության խորացման և հարաբերությունները նոր մակարդակի բարձրացնելու լուրջ հեռանկարներ։ Օգոստոսի 8–ին Սպիտակ տանը կայացած ՀՀ վարչապետ Նիկոլ Փաշինյանի, ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի եռակողմ հանդիպմանը ստորագրվել է համատեղ Հռչակագիր` Վաշինգտոնում տեղի ունեցած հանդիպման արդյունքների մասին: Վաշինգտոնում Հայաստանի ԱԳ նախարար Արարատ Միրզոյանը և Ադրբեջանի ԱԳ նախարար Ջեյհուն Բայրամովը Հայաստանի, Ադրբեջանի և ԱՄՆ ղեկավարների ներկայությամբ նախաստորագրել են «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
