  Բայրամով․ TRIPP երթուղին ուղիղ կապ կստեղծի Ադրբեջանի և Նախիջևանի միջև «Զանգեզուրի միջանցքով» 7 հոկտեմբերի 2025 - 11:39 AMT PanARMENIAN.Net - Ադրբեջանի արտաքին գործերի նախարար Ջեյհուն Բայրամովը Թյուրքալեզու պետությունների կազմակերպության (ԹՊԿ) անդամ երկրների ԱԳ նախարարների նիստում, որն անցնում է Գաբալայում, խոսել է «TRIPP երթուղու գործարկման» կարևորության մասին։ «Հատուկ նշանակություն ունի TRIPP երթուղու գործարկումը, որի մասին հայտարարվել է Վաշինգտոնի գագաթնաժողովում և որը ուղիղ կապ կապահովի Ադրբեջանի շրջանների և Նախիջևանի միջև Զանգեզուրի միջանցքով։ Դա կարևոր քայլ է մեր տարածաշրջանում կապերի դիվերսիֆիկացման տեսակետից»,–ասել է նա, գրում է Minval.az-ը։ Բայրամովը նաև նշել է, որ ԹՊԿ երկրները իրենց աշխարհագրական դիրքի շնորհիվ կամուրջ են հանդիսանում Եվրոպայի և Ասիայի միջև՝ ապահովելով կարևոր տրանսպորտային, լոգիստիկ և տարանցիկ ուղիներ։ Վարչապետ Նիկոլ Փաշինյանը ՄԱԿ-ի Գլխավոր վեհաժողովի 80-րդ նստաշրջանում ունեցած ելույթում, արձագանքելով Ադրբեջանի նախագահ Իլհամ Ալիևի հայտարարություններին, ասել է, որ «Զանգեզուրի միջանցք» արտահայտությունն ընկալվում է որպես տարածքային պահանջ Հայաստանից։ Նա ընդգծել է, որ թեև Վաշինգտոնյան հռչակագրով Հայաստանի և Ադրբեջանի միջև խաղաղություն է հաստատված, դեռևս առկա են լուրջ անելիքներ, իսկ Ադրբեջանի նախագահի հռետորաբանությունը հակասում է խաղաղության կառուցման տրամաբանությանը։ «Քաղաքացիական պայմանագիր» խմբակցության ղեկավար Արթուր Հովհաննիսյանը հայտարարել էր, որ կոչ են անում ադրբեջանցի գործընկերներին՝ խոսույթը համապատասխանեցնել փաստաթղթերին։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
