 Ավանեսյան․ Մտահոգիչ են պլաստիկ վիրաբուժությունում հաճախակիացած անհաջող ելքերով դեպքերը 16 հոկտեմբերի 2025 - 18:18 AMT PanARMENIAN.Net - Առողջապահության նախարար Անահիտ Ավանեսյանը պլաստիկ վիրաբուժական կենտրոնների ներկայացուցիչների, պլաստիկ վիրաբուժության ամբիոնների ներկայացուցիչների և «Հայաստանի պլաստիկ վիրաբույժների ասոցիացիայի» նախագահի հետ հանդիպմանը մտահգություն է հայտնել հաճախակիացած անհաջող ելքերով դեպքերի վերաբերյալ։ «Ինձ համար շատ մտահոգիչ են պլաստիկ վիրաբուժության ոլորտում վերջերս հաճախակիացած անհաջող ելքերով դեպքերը»,- ասել է Ավանեսյանը: Հանդիպման հիմնական նպատակն է եղել հասկանալ ոլորտի կարիքները, լսել մասնագիտական կարծիքներ ու դիտարկումներ՝ պարզելու, թե ինչ քայլեր կարող են ձեռնարկվել՝ կանխելու կամ նվազեցնելու վիրահատական միջամտություններից հետո առաջացող բարդություններն ու բացասական ելքերը։ Նախարարը ընդգծել է, որ թեև ոլորտն ընթանում է դինամիկ զարգացման ճանապարհով, սակայն անգամ մեկ կամ երկու բացասական դեպք կարող է խաթարել տարիների աշխատանքը և ստվերել ոլորտում արձանագրված առաջընթացը։ Պլաստիկ վիրաբուժության գծով նախարարության խորհրդատու, «Հայաստանի պլաստիկ վիրաբույժների ասոցիացիայի» նախագահ Աննա Սարգսյանը մանրամասն ներկայացրել է օրակարգում ընդգրկված խնդիրները։ Նա անդրադարձել է նախարարություն ստացված բողոքներին, ինչպես նաև նախորդ երկու տարիների ընթացքում գրանցված հետվիրահատական բարդությունների հիման վրա իրականացված մասնագիտական վերլուծություններին։ Ներկայումս մշակվում են նոր ուղեցույցներ՝ ոլորտի իրավական կարգավորումները բարելավելու նպատակով, ինչպես նաև խստացվում է լիցենզավորման ընթացակարգը՝ բարձրացնելու պլաստիկ վիրաբույժների պատասխանատվության և պատրաստվածության մակարդակը։ Բացի այդ, հարակից մասնագիտացման ունեցող բուժաշխատողների համար նախատեսվում է դարձնել պարտադիր նեղ մասնագիտական օրդինատուրայի անցումը՝ ապահովելու համար մասնագիտական պատշաճ որակավորում։ Մի քանի ժամ տևած քննարկման ընթացքում մասնագետները ներկայացրել են իրենց առաջարկներն ու պատրաստակամություն հայտնել գործակցել ոլորտի համակարգային բարելավման ուղղությամբ։ Նախարարը նշել է, որ առաջիկայում թեմային նվիրված լայնածավալ համաժողով կկազմակերպվի՝ մասնագետների լայն շրջանակի մասնակցությամբ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
