Երևանի որոշ շրջաններում փոշու մակարդակը հատել է սահմանային շեմը

PanARMENIAN.Net - Հիդրոօդերևութաբանության և մոնիթորինգի կենտրոնը ներկայացրել է 2025 թվականի հոկտեմբերի 15-21-ն ընկած ժամանակահատվածում Երևանի մթնոլորտային օդի որակի վերաբերյալ տվյալներ։

Փոշու պարունակությունը մի շարք վարչական շրջաններում գերազանցել է սահմանային թույլատրելի կոնցենտրացիան․

◾️ Կենտրոն վարչական շրջանում՝ հոկտեմբերի 16-ին և 21-ին,

◾️ Արաբկիր վարչական շրջանում՝ հոկտեմբերի 20-ին,

◾️ Նոր Նորքում՝ հոկտեմբերի 16-ին և 18-ին,

◾️ Շենգավիթում նման դեպք չի գրանցվել։

Ազոտի երկօքսիդի պարունակությունը նույնպես որոշ հատվածներում հատել է թույլատրելի սահմանը․

◾️ Նոր Նորքում՝ հոկտեմբերի 17-ին,

◾️ Արաբկիրում՝ հոկտեմբերի 15-ից 19-ը ներառյալ, ինչպես նաև 21-ին,

◾️ Շենգավիթում՝ հոկտեմբերի 15-ից 17-ը,

◾️ Կենտրոնում՝ ցուցանիշը մնացել է նորմայի սահմաններում։

Ծծմբի երկօքսիդի պարունակությունը մայրաքաղաքի բոլոր վարչական շրջաններում գտնվել է թույլատրելի սահմանում։