  Նախարար. 2026-ին ՀՀ–ն պետք է ակտիվացնի ԵՄ-ին անդամակցության ջանքերը 27 հոկտեմբերի 2025 - 18:05 AMT PanARMENIAN.Net - Արտաքին գործերի նախարար Արարատ Միրզոյանն Ազգային ժողովում 2026 թվականի պետական բյուջեի նախագծի քննարկման ժամանակ հայտարարել է, որ Հայաստանը պետք է առաջիկա տարում ակտիվացնի իր քայլերը՝ միտված Եվրոպական միությանն անդամակցելու գործընթացին։ «Ուզում եմ միանգամից և աներկբա կերպով ասել, որ Հայաստանի Հանրապետություն-Եվրոպական միություն հարաբերությունները երբեք այսքան ընդգրկուն և սերտ չեն եղել։ Այս մասին են վկայում Հայաստան-ԵՄ քաղաքական երկխոսության բովանդակությունը և 2025 թվականի ընթացքում տեղի ունեցած բարձրաստիճան փոխայցելությունները, ձեռք բերված պայմանավորվածությունները»,-նշել է նախարարը, գրում է Արմենպրեսը։ Նրա խոսքով՝ այս համատեքստում առանցքային նշանակություն ունի Ազգային ժողովի կողմից ընդունված օրենքը, որով մեկնարկվել է ԵՄ-ին անդամակցության գործընթացը։ Օրենքն ընդունվել է 2025 թվականի մարտին՝ քաղաքացիական նախաձեռնության հիման վրա ներկայացված նախագծով։ «Այս քաղաքականությունը իմպերատիվ է Կառավարության և, մասնավորապես, արտաքին գործերի նախարարության համար։ Մենք պետք է 2026 թվականին ակտիվացնենք մեր ջանքերն անդամակցության ուղղությամբ։ Հայաստանը ձգտում է միանալ ժողովրդավար, զարգացող և բարգավաճ երկրների ընտանիքին»,- ասել է Միրզոյանը։ Միաժամանակ նախարարը նշել է, որ Հայաստանը շարունակելու է վարել հավասարակշռված արտաքին քաղաքականություն՝ չվերացնելով բազմակողմ համագործակցության ձևաչափերը։ ԵՄ խորհուրդը հավանություն է տվել ՀՀ-ի հետ վիզաների ազատականացման երկխոսության մեկնարկին։ Իսկ սեպտեմբերի 9-ին ՀՀ փոխվարչապետ Մհեր Գրիգորյանը հայտարարեց Եվրամիության հետ վիզաների ազատականացման շուրջ երկխոսության պաշտոնական մեկնարկի մասին: Photo. AP   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
