Հայաստանի Սյունիզի մարզում կառուցվում է Երեւանի սրտաբանական կենտրոնի մասնաճյուղը11 հունիսի 2009 - 18:57 AMT PanARMENIAN.Net - «Հայաստան» համահայկական հիմնադրամը Գորիս քաղաքի եւ Ակներ համայնքի տարանցիկ գոտում կառուցում է սրտաբանական կենտրոն, որը կլինի Հայաստանի հարավային շրջանների եւ Արցախի բնակչությանը սպասարկող միակ սրտաբանական բուժհաստատությունը: Այն կգործի որպես Երեւան քաղաքի սրտաբանական կենտրոնի մասնաճյուղ: «Հայաստան» հիմնադրամի հաղորդագրության մեջ նշվում է, որ ծրագրի ֆինանսավորումը (նախնական արժեքը` շուրջ 820000 ԱՄՆ դոլար) ստանձնել են Հիմնադրամի Ֆրանսիայի տեղական մարմինը, Մարսելի «Հայաստան-Ֆրանսիա առողջապահության միությունը» (ASAF) եւ «Բյուշ Դյու-Ռոն» Ֆրանսիայի հարավային նահանգը: Գումարի զգալի մասը Հիմնադրամին է կտակել ֆրանսահայ բարերար Գրիգոր Շահինյանը: Հիմնադրամի Ֆրանսիայի տեղական մարմնի ատենապետ Պետրոս Թերզյանի խոսքով` Ֆրանսիայի ամենախոշոր նահանգներից մեկում կայացած այս եռակողմ համագործակցությունը ոչ միայն համախմբում է հայ համայնքին, այլ եւս մեկ անգամ փաստում Հիմնադրամի վայելած մեծ վստահությունը: Երկհարկանի հիվանդանոցի կառուցումը մեկնարկել է մայիսի սկզբին. ներկայումս տարվում են հողային աշխատանքներ: Հիվանդանոցը կունենա գլխավոր մասնաշենք, պոլիկլինիկա եւ կաթսայատուն, որը կապահովի բուժհաստատության կենտրոնացված ջեռուցումը: Կենտրոնն օրական կսպասարկի 20 ամբուլատոր այցելուի. եւս 16 հիվանդ կստանան ստացիոնար բուժում: Հիվանդանոցին հարող տարածքը կբարեկարգվի ու կկանաչապատվի: Ակներ համայնքի ղեկավար Սպարտակ Մինասյանի համոզմամբ` մոտ ապագայում սրտաբանական կենտրոն ունենալու փաստը կնպաստի նաեւ նոր աշխատատեղերի ստեղծմանը, ինչը կհանգեցնի շրջակա համայնքների սոցիալ-տնտեսական վիճակի բարելավմանը: «Երեւան հասնելու փոխարեն հիվանդը կկարողանա համապատասխան բժշկական օգնություն ստանալ այս կենտրոնում, որը կապահովի մատչելի ու որակյալ բուժսպասարկում»,- նշում է «Հայաստան» հիմնադրամի գործադիր տնօրեն Արա Վարդանյանը: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Սիֆրեդին՝ Փաշինյանին․ Ֆրանսիայի Օ-դը-Սենի շրջանը պատրաստ է աջակցել ջրհեղեղից տուժած Տավուշին Փաշինյանը կարևորել է ենթակառուցվածքները վերականգնելու ուղղությամբ փոխգործակցությունը «Ֆասթ Շիֆթի» աջակցությամբ կայացել է «Հայրի՛կ, իմ մոտ ամեն ինչ լավ է» գրական երեկոն Երաժշտության ներքո հնչել են բանաստեղծություններ և արձակ ստեղծագործություններ Լոռու և Տավուշի մարզերում հեղեղումների հետևանքով կարող է արտակարգ դրություն հայտարարվել «Եթե դա մեր գործերի ընթացին կնպաստի, կարծում եմ, որ մեծ խնդիր չէ նման որոշում կայացնելը»,–ասել է Փաշինյանը Օվերչուկ․ ՀՀ-ի և ՌԴ-ի միջև առևտրում խափանումներ չկան Նա հավելել է, որ Վերին Լարսը նորմալ աշխատում է |