  Մկրտչյանն ու Շեան քննարկել են հայ-ամերիկյան տնտեսական գործակցության խորացման ուղիները 19 նոյեմբերի 2025 - 13:47 AMT PanARMENIAN.Net - Կալիֆորնիա կատարած աշխատանքային այցի շրջանակում ԱՄՆ–ում Հայաստանի դեսպան Նարեկ Մկրտչյանը հանդիպում է ունեցել Հյուսիսային Կալիֆորնիայի Համաշխարհային առևտրի կենտրոնի նախագահ և գործադիր տնօրեն Ջոն Շեայի, ինչպես նաև գործառնությունների գծով տնօրեն Թեսա Քարթերի հետ։ ԱՄՆ-ում ՀՀ դեսպանության տարածած հաղորդագրության համաձայն՝ հանդիպման ընթացքում կողմերը քննարկել են հայ-ամերիկյան տնտեսական համագործակցության խորացման տարբեր հնարավոր ուղիներ և այդ շրջանակում նոր նախաձեռնությունների իրականացման հեռանկարներ։ Զրույցի ընթացքում անդրադարձ է կատարվել ներմուծման և արտահանման գործընթացների ընդլայնման հնարավորություններին, ինչպես նաև հայկական բիզնեսների՝ ԱՄՆ շուկայում գործունեություն ծավալելու ընթացակարգերին։ Այս համատեքստում կարևորվել է այնպիսի ծրագրերի մշակման անհրաժեշտությունը, որոնք կաջակցեն հայկական ընկերություններին հմտությունների, շուկայավարման կարողությունների կատարելագործման հարցում և կնպաստեն նրանց մրցունակության բարձրացմանը միջազգային շուկայում։ Հանդիպման ավարտին կողմերը վերահաստատել են շարունակական համագործակցություն իրականացնելու իրենց պատրաստակամությունը։ Հանդիպմանը մասնակցել է նաև Լոս Անջելեսում Հայաստանի Հանրապետության գլխավոր հյուպատոս Կարեն Իսրայելյանը։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
