Ձմեռային զորակոչի շրջանակում համալրվում է ԶՈւ մարզական վաշտը

PanARMENIAN.Net - Պաշտպանության նախարարությունը ներկայացրել է 2025 թվականի ձմեռային զորակոչի ընթացքում ՀՀ Զինված ուժերի մարզական վաշտում համալրման ենթակա հաստիքները և դրանց համալրման կանոնակարգը։

Նշվում է, որ 2025 թվականի ձմեռային զորակոչի շրջանակում ՀՀ ԶՈՒ մարզական վաշտը համալրելու ցանկություն հայտնած և սահմանված չափորոշիչներին համապատասխանող անձանց դիմումներն ընդունվում են Երևան քաղաքի ու ՀՀ մարզերի զինվորական կոմիսարիատներում և կայքում մինչև 2026 թվականի հունվարի 5-ը:

Դիմումների քննարկումը տեղի կունենա 2026 թվականի հունվարի 12-ին՝ ՀՀ ԶՈւ մարզական վաշտի համալրման ընտրական հանձնաժողովի նիստում:

2025 թվականի ձմեռային զորակոչի շրջանակում ՀՀ ԶՈւ մարզական վաշտի՝ ըստ մարզաձևերի համալրման ենթակա հաստիքների թիվը.

▪️ըմբշամարտ, բռնցքամարտ, ծանրամարտ՝ 10 հաստիք,

▪️օլիմպիական ոչ մենապայքարային մարզաձևեր՝ 2 հաստիք,

▪️խաղային ձևեր՝ 10 հաստիք»։

Համաձայն հայտարարված կարգի՝ դիմումները կարող են ներկայացվել ինչպես անձամբ զինվորական կոմիսարիատներում, այնպես էլ առցանց՝ ՊՆ պաշտոնական կայքի միջոցով։ Ընտրական հանձնաժողովը կքննարկի ներկայացված բոլոր դիմումները հունվարի 12-ին՝ որոշում կայացնելով թե ովքեր կզորակոչվեն մարզական վաշտ։

Նշված հաստիքները վերաբերում են ինչպես մենապայքարային, այնպես էլ թիմային և ոչ մենապայքարային օլիմպիական մարզաձևերին՝ ընդհանուր 22 ծառայողի համար նախատեսված տեղով։