  Օվերչուկ. Հայաստանը ստիպված է լինելու ընտրել ԵԱՏՄ և ԵՄ միջև 12 դեկտեմբերի 2025 - 13:08 AMT PanARMENIAN.Net - ՌԴ փոխվարչապետ Ալեքսեյ Օվերչուկը հայտարարել է, որ Հայաստանն ինչ–որ փուլում ստիպված է լինելու ընտրություն կատարել Եվրասիական տնտեսական միությանն (ԵԱՏՄ) անդամակցելու և Եվրոպական միությանը (ԵՄ) միանալու միջև, քանի որ այս ինտեգրացիոն միությունները իրար հետ անհամատեղելի են։ «Ինչ վերաբերում է Հայաստանի և Եվրամիության մերձեցմանը, ապա մենք բազմիցս ենք այս մասին խոսել։ Մենք կարծում ենք, որ միաժամանակ երկու ինտեգրացիոն միություններին անդամակցելը անհամատեղելի է։ Եվ ինչ–որ փուլում Հայաստանի ժողովուրդը ստիպված է լինելու համապատասխան ընտրություն կատարել։ Դա Հայաստանի ժողովրդի ընտրությունն է», — ասել է նա, հայտնում է ՏԱՍՍ–ը։ Օվերչուկը նաև նշել է, որ այս տարի Ռուսաստանի և Հայաստանի միջև տնտեսական հարաբերություններում շեշտակի կրճատում է նկատվում։ «Եթե խոսենք փոխադարձ ապրանքաշրջանառության մասին անցած տարի, ինչպես հիշում եք, մեր երկրների միջև ապրանքաշրջանառությունը կազմել է $15․4 մլրդ։ Այս տարի, ակնհայտորեն, դա նվազագույնը կլինի մոտ $6 մլրդ, այսինքն շատ նկատելի անկում է», — շարունակել է նա։ Դեկտեմբերի 2–ին Բրյուսելում ՀՀ-ԵՄ գործընկերության խորհրդի 6-րդ նիստի արդյունքներով՝ Հայաստանն ու Եվրամիությունը ստորագրել են գործընկերության ռազմավարական օրակարգը։ Փաստաթուղթը ստորագրել են Հայաստանի արտաքին գործերի նախարար Արարատ Միրզոյանը և Եվրամիության արտաքին գործերի և անվտանգության քաղաքականության հարցերով բարձր հանձնակատար Կայա Կալասը։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
