Մելիքյանն ու Սպերցյանը մասնակցել են FIFA The Best-ի քվեարկությանը

PanARMENIAN.Net - Կատարի մայրաքաղաք Դոհայում կայացել է FIFA The Best մրցանակաբաշխությունը, որի ընթացքում ՖԻՖԱ-ն հայտարարել է տարվա լավագույն ֆուտբոլիստի, դարպասապահի և մարզչի անունները։ Հայաստանի ազգային հավաքականի գլխավոր մարզիչ Եղիշե Մելիքյանն ու ավագ Էդուարդ Սպերցյանը նույնպես մասնակցել են նշված անվանակարգերի քվեարկությանը, հայտնում է Հայաստանի ֆուտբոլի ֆեդերացիան։

Եղիշե Մելիքյանը քվեարկել է հետևյալ կերպ․

Լավագույն ֆուտբոլիստ

1. Լամին Յամալ
2. Ուսման Դեմբելե
3. Վիտինյա

Լավագույն մարզիչ

1. Լուիս Էնրիկե
2. Հանս-Դիտեր Ֆլիկ
3. Միկել Արտետա

Լավագույն դարպասապահ

1. Ջանլուիջի Դոննարումա
2. Յան Զոմեր
3. Դավիդ Ռայա

Էդուարդ Սպերցյանը քվեարկել է հետևյալ կերպ։

Լավագույն ֆուտբոլիստ

1. Ուսման Դեմբելե
2. Պեդրի
3. Կիլիան Մբապե

Լավագույն մարզիչ

1. Լուիս Էնրիկե
2. Առնե Սլոթ
3. Միկել Արտետա

Լավագույն դարպասապահ

1. Ջանլուիջի Դոննարումա
2. Յան Զոմեր
3. Տիբո Կուրտուա

2025 թվականի լավագույն ֆուտբոլիստ է ճանաչվել Փարիզի «Սեն Ժերմենում» և Ֆրանսիայի ազգային հավաքականում հանդես եկող հարձակվող Ուսման Դեմբելեն, լավագույն մարզչի տիտղոսին արժանացել է փարիզյան թիմը գլխավորող Լուիս Էնրիկեն, լավագույն դարպասապահ է ճանաչվել «Մանչեսթեր Սիթի»-ի և Իտալիայի հավաքականի ներկայացուցիչ Ջանլուիջի Դոնարուման։