 ՆԳՆ-ն զգուշացնում է TikTok-ում հերթական խաբեության մասին 23 հունվարի 2026 - 16:27 AMT PanARMENIAN.Net - ՀՀ ներքին գործերի նախարարության կիբեռոստիկանությունը նախազգուշացնում է TikTok հարթակում տարածվող հերթական խաբեության մասին, որի շրջանակում քաղաքացիներին մոլորեցնում են իբր «սոցիալական հիմնադրամից» 300 հազար դրամ աջակցություն ստանալու հնարավորությամբ։ Ըստ հաղորդագրության՝ տվյալ հրապարակումների միջոցով քաղաքացիներին առաջարկվում է սահմանափակ ժամանակում անցնել հղմամբ և լրացնել համապատասխան «դիմում», սակայն իրականում սա կիբեռհանցագործների կողմից իրականացվող սխեմա է՝ անձնական և բանկային տվյալներ (քարտի համարը, PIN, CVV, մեկանգամյա կոդեր և այլն) հափշտակելու նպատակով, ինչը կարող է հանգեցնել դրամական միջոցների կորստի։ «Հորդորում ենք. • չանցնել կասկածելի հղումներով • չլրացնել «դիմումով» պահանջվող որևէ տվյալ: Հիշեք՝ – ՀՀ պետական և սոցիալական մարմինները սոցիալական ցանցերի միջոցով չեն հավաքագրում քաղաքացիների բանկային և անձնական տվյալներ։ – ՀՀ պետական և սոցիալական մարմինները օգտագործում են միայն հայկական «.am» դոմենային անվանումներ (օրինակ՝ mlsa.am, socservice.am, mia.gov.am, moh.am, e-request.am)»,- ասված է հաղորդագրության մեջ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
