  Կալաս․ 20 մլն եվրոյի աջակցությունը ևս մեկ քայլ է դեպի ՀՀ-ԵՄ գործակցության սերտացում պաշտպանական ոլորտում 30 հունվարի 2026 - 13:48 AMT PanARMENIAN.Net - Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը մեկնաբանել է ԵՄ Խորհրդի կողմից Հայաստանին 20 միլիոն եվրոյի աջակցության վերաբերյալ որոշումը, որը կայացվել է Եվրոպական խաղաղության հիմնադրամի շրջանակում։ «Եվրոպական խաղաղության հիմնադրամի այս օգնության միջոցառումը ևս մեկ քայլ է դեպի ԵՄ-ի և Հայաստանի միջև անվտանգության և պաշտպանության ոլորտում ավելի սերտ համագործակցություն: Այս միջոցառմամբ ԵՄ-ն ցույց է տալիս իր հանձնառությունը՝ շարունակելու աջակցել Հայաստանի դիմադրողականությանը, որը նպաստում է ամբողջ տարածաշրջանի կայունությանը, խաղաղությանը և անվտանգությանը»,- նշել է նա, հայտնում է Արմենպրեսը: Ըստ ԵՄ Խորհրդի՝ աջակցության միջոցառումը կնպաստի Հայաստանի դիմակայունության բարձրացմանը և կխթանի զինված ուժերի փոխգործունակությունը, ինչը հնարավորություն կընձեռի ապագայում մասնակցել միջազգային ռազմական առաքելությունների և գործողությունների՝ այդ թվում Եվրամիության նախաձեռնությամբ իրականացվող ծրագրերին։ ԵՄ-ն ընդգծել է նաև իր հանձնառությունը՝ խորացնելու համապարփակ քաղաքական և տնտեսական գործընկերությունը Հայաստանի հետ՝ հիմնվելով ԵՄ-ՀՀ նոր ռազմավարական օրակարգի սկզբունքների վրա։ ԵՄ Խորհուրդն ընդունել է որոշում, որի համաձայն՝ Եվրոպական խաղաղության հիմնադրամի շրջանակում Հայաստանին կհատկացվի 20 միլիոն եվրո։ Այս աջակցությունը միտված է Հայաստանի զինված ուժերի լոգիստիկ կարողությունների բարելավմանը՝ հատկապես քաղաքացիական բնակչության պաշտպանության նպատակով ճգնաժամային և արտակարգ իրավիճակներում։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
