Ոստիկանության պաշտոնյան կեղծ վարչական արձանագրություններ է կազմել 13 քաղաքացու վերաբերյալ 6 փետրվարի 2026 - 19:04 AMT PanARMENIAN.Net - ՀՀ հակակոռուպցիոն կոմիտեն, ՆԳՆ ներքին անվտանգության և հակակոռուպցիոն վարչության տրամադրած նյութերի հիման վրա սկսված քրեական վարույթով, պարզել է, որ ՀՀ ոստիկանության պաշտոնատար անձը կազմել է կեղծ վարչական արձանագրություններ՝ 13 քաղաքացու վերաբերյալ։ Ըստ նախաքննությամբ ձեռք բերված տվյալների՝ նշված պաշտոնյան 2023-ի հունվարի 4-ից մինչև ապրիլի 3-ն ընկած ժամանակահատվածում 13 քաղաքացու կողմից օրենքով նախատեսված վարչական որևէ իրավախախտում կատարած չլինելու պայմաններում, առանց վերջիններիս մասնակցության, նրանց վերաբերյալ կազմել է իրավաբանական պատասխանատվություն առաջացնող 17 կեղծ արձանագրություն՝ դրանք դնելով պաշտոնական շրջանառության մեջ: Նույն աղբյուրի համաձայն՝ նշված քաղաքացիներից յուրաքանչյուրին նշանակվել է 50,000 ՀՀ դրամի վարչական տուգանք։ Հանցանքի արդյունքում, պաշտոնատար անձի նկատմամբ առաջադրվել է մեղադրանք՝ ՀՀ քրեական օրենսգրքի 445-րդ հոդվածի 1-ին մասով՝ պաշտոնեական կեղծիք կատարելու համար՝ 17 առանձին դրվագով։ Որպես խափանման միջոց ընտրվել է ՀՀ-ից բացակայելու արգելքը, ինչպես նաև կիրառվել է պաշտոնավարման կասեցում։ Քրեական գործի նախաքննությունն արդեն ավարտվել է, և մեղադրական եզրակացությամբ փոխանցվել է ՀՀ հակակոռուպցիոն դատարան՝ հետագա դատական ընթացքի համար։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
