  Մարուքյան․ ՀՀ-ն պետք է երաշխիքներ ստանա ԱՄՆ-ից, որ Ադրբեջանին վաճառված զենքը մեր դեմ չի օգտագործվի 9 փետրվարի 2026 - 12:09 AMT PanARMENIAN.Net - «Լուսավոր Հայաստան» կուսակցության ղեկավար Էդմոն Մարուքյանը, անդրադառնալով ԱՄՆ փոխնախագահ Ջեյ Դի Վենսի մեկնարկող այցին, ֆեյսբուքյան տեսաուղերձում հայտարարել է,որ ՀՀ-ն պետք է կարողանա երաշխիքներ ստանալ ԱՄՆ-ից, որ Ադրբեջանին վաճառված զենքը մեր դեմ չի օգտագործվի։ «Մեզ երաշխիքներ են պետք ԱՄՆ–ից։ Կամ թող մեզ էլ զինեն, որ հակակշռվի, կամ երաշխիքներ տան, որ իրենցից գնված զենքը մեր դեմ չի կիրառվելու»,-ասել է նա: Նա հիշեցրել է, որ տասնյակ տարիներ Ադրբեջանն ԱՄՆ պատժամիջոցների տակ էր և չէր կարող գնել ամերիկյան զենք կամ այնպիսի ապրանքներ, որը կարող էր օգտագործվել ռազմական նպատակներով՝ բացառությամբ Իրանի հետ սահմանի ամրապնդման միջոցների: Մարուքյանն անդրադարձել է նաև գերիների հարցին,որոնք ցմահ ազատազրկման և տևական բանտարկության դատապարտվեցին Աբու Դաբիում վարչապետ Նիկոլ Փաշինյանի և Ադրբեջանի նախագահ Իլհամ Ալիևի խաղաղության մրցանակ ստանալու հաջորդ օրը: «Մինչդեռ Հայաստանում դատավարությունից հետո պետական մակարդակում ոչ մի հայտարարություն չի հնչում»,-նշել է նա: Ըստ Մարուքյանի՝ Արցախի ռազմաքաղաքական ղեկավարությանը ցմահ դատելով Բաքում Հայաստանի վերջին 30 տարվա կյանքն է դատապարտում, որպեսզի հետագայում որպես փոխհատուցում հող ուզի։ «Ադրբեջանի պլաններում կա Սյունիքի, Գեղարքունիքի, Վայոց Ձորի վերաբերյալ տարածքային պահանջներ։ Հարց է առաջանում` լավ, ինչի՞ է զինվում Ադրբեջանը, ո՞ւմ դեմ է զինվում,... »,-ասել է նա՝ հավելելով, որ երաշխիքներ են պետք: Մարուքյանը նաև նշել է, որ Ջեյ Դի Վենսի տարածաշրջանային այցը, հնարավոր է, նպատակ ունի հասկանալու Երևանի և Բաքվի դիրքորոշումները Իրանի դեմ հնարավոր գործողությունների պարագայում։ ԱՄՆ փոխնախագահ Ջեյմս Դեյվիս Վենսը Երևան է ժամանելու փետրվարի 9-ին, իսկ հաջորդ մեկնելու է Բաքու:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
