  ISU-ի որոշմամբ՝ Ակոպովա-Ռախմանին ելույթի ժամանակ «Արցախ» անվանումը չի հնչի, կնշվի հեղինակի անունը 9 փետրվարի 2026 - 18:22 AMT PanARMENIAN.Net - Միլանի ձմեռային Օլիմպիական խաղերում ՀՀ-ն ներկայացնող Կարինա Ակոպովա-Նիկիտա Ռախմանին զույգը հանդես կգա «Արցախ» ստեղծագործության հնչյունների ներքո, չնայած Բաքվի բողոքներին, սակայն անվանումը չի նշվի՝ կհայտարարվի միայն հեղինակ Արա Գևորգյանի անունը: Միջազգային գեղասահքի միությունը և Օլիմպիական կոմիտեն, անդրադառնալով Հայաստանի և Ադրբեջանի միջև գեղասահքի երաժշտության շուրջ առաջացած «քաղաքական լարվածությանը», կարգավորվել են վեճը, գրում է The Guardian-ը: «Օգտագործվելիք ստեղծագործությունների պաշտոնական անունները նշված են ISU-ի կայքում»,-ասվում է հրապարակման մեջ: Ադրբեջանի Ազգային օլիմպիական կոմիտեն բողոք և լուրջ մտահոգություն էր հայտնել այն փաստի կապակցությամբ, որ XXV ձմեռային Օլիմպիական խաղերում Հայաստանը ներկայացնող Կարինա Ակոպովա-Նիկիտա Ռախմանին զույգն իր ելույթը կատարելու է «Արցախ» կոմպոզիցիայի ուղեկցությամբ՝ անվանելով այն «սեպարատիստական երաժշտություն»: Կարինա Ակոպովա-Նիկիտա Ռախմանին զույգը «Արցախի« ներքո կատարում է կարճ ծրագիրը: Նրանց ելույթը նախատեսված է փետրվարի 15-ին: Մինչդեռ ավելի վաղ Ադրբեջանը փորձում էր Արա Գևորգյանի «Արցախ» երաժշտական կոմպոզիցիան ստեղծագործությունը վերագրել խորհրդային կոմպոզիտոր Ֆիքրեթ Ամիրովին։ 1998 թվականին հայ կոմպոզիտորն իր ստեղծած երաժշտության հեղինակային իրավունքները գրանցել է ԱՄՆ Կոնգրեսի գրադարանի հեղինակային իրավունքի բյուրոյում: Արա Գևորգյանի նախաձեռնությամբ նկարահանվել է «Story about Artsakh music» ֆիլմը, որում պատմվում է «Արցախ» ստեղծագործության ստեղծման ողջ պատմությունը:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
