  2026-ին ԱԲ դասընթացներ կներդրվեն աշակերտների մոտ 80%-ի համար 17 մարտի 2026 - 15:25 AMT PanARMENIAN.Net - 2026 թվականին արհեստական բանականության դասընթացներ ներդնել Հայաստանի աշակերտների ավելի քան 80 տոկոսի համար, հայտարարել է ՀՀ կրթության, գիտության, մշակույթի և սպորտի նախարար Ժաննա Անդրեասյանը։ Նախարարը խորհրդարանում ներկայացրել է կառավարության 2021-2026 թվականների ծրագրի 2025 թվականի կատարման հաշվետվությունը, հայտնում է Sputnik Արմենիան: Անդրեասյանի խոսքով՝ որոշ դպրոցների 10-12-րդ դասարաններում արդեն գործում են արհեստական բանականության ուսուցման ծրագրեր։ Դրանցից մեկը իրականացվել է Հայաստանի գիտության և տեխնոլոգիաների հիմնադրամի (FAST) նախաձեռնությամբ՝ ընդգրկելով 26 ավագ դպրոցների մոտ 800 աշակերտի։ Մեկ այլ ծրագիր՝ Տեղեկատվական տեխնոլոգիաների գործատուների միության նախաձեռնությամբ, իրականացվել է 15 ավագ դպրոցներում։ «Ներկայում մենք բանակցություններ ենք վարում այդ միության հետ՝ արհեստական բանականության համընդհանուր դպրոցական դասընթաց ստեղծելու շուրջ»,– հայտարարել է նախարարը։ Նրա խոսքով՝ պետությունը շարունակել է ֆինանսավորել նաև «Արմաթ» (ArMath) ինժեներական լաբորատորիաների ծրագիրը, որտեղ արտադասարանական ձևաչափով սովորում է ավելի քան 16 հազար երեխա՝ հանրապետության ավելի քան 630 դպրոցներում։ Փաստաթուղթը նախ քննարկվել է խորհրդարանական հանձնաժողովներում, որից հետո այն նախատեսվել է ընդգրկել Ազգային ժողովի լիագումար նիստի օրակարգում։   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
