 Կատարում մնացած հայ մարմնամարզիկների հավաքականը վերադառնում է Երևան 17 մարտի 2026 - 16:43 AMT PanARMENIAN.Net - Հայաստանի սպորտային մարմնամարզության տղամարդկանց հավաքականի անդամները, որոնք Մերձավոր Արևելքում լարված իրավիճակի պատճառով չեղարկված չվերթների հետևանքով չեն կարողացել ժամանակին վերադառնալ Հայաստան, այժմ վերադարձի ճանապարհին են, հայտնում է Հայաստանի մարմնամարզության ֆեդերացիան։ Նրանք ուսումնամարզական հավաք անցկացնելու նպատակով էին մեկնել Կատար: Ֆեդերացիան շնորհակալություն է հայտնել ՀՀ արտաքին գործերի նախարարությանը և Կատարի Պետությունում Հայաստանի արտակարգ և լիազոր դեսպան Տիգրան Գևորգյանին՝ թիմի վերադարձի կազմակերպման հարցում ցուցաբերած աջակցության համար։ Շնորհակալություն է հայտվել նաև Կատարի մարմնամարզության ֆեդերացիային՝ թիմին Կատարում գտնվելու ամբողջ ընթացքում աջակցելու համար։ Հայաստանի հավաքականը բաց էր թողել Թուրքիայի Անթալիա քաղաքում մարտի 10-ին անցկացված Աշխարհի գավաթի երրորդ փուլը, քանի որ չվերթների չեղարկումների պատճառով չէր կարողացել Կատարից մեկնել մրցավայր։ ՀՀ արտաքին գործերի նախարարությունը մարտի 12-ին հայտնել է, որ Դոհայում Հայաստանի դեսպանությունը կազմակերպել է Կատարից դեպի Օման անվճար տեղափոխություն ՀՀ քաղաքացիների համար։ Այդ հնարավորությունից օգտվել է Հայաստանի 10 քաղաքացի, այդ թվում՝ առողջական խնդիրներ ունեցողներ և տարեցներ։   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
