 ՇՄՆ․ Չմոտենա՛լ եղջերուներին, չկերակրել և չփորձել շփվել կամ լուսանկարվել 7 ապրիլի 2026 - 10:58 AMT PanARMENIAN.Net - Հետևողական և նպատակային աշխատանքի արդյունքում աստիճանաբար վերականգնվել է կենսաբազմազանությունը, ինչը կարևոր ձեռքբերում է բնության պահպանության ոլորտում, ինչը նշանակում է, որ քաղաքացիներն ավելի հաճախ կարող են հանդիպել վայրի կենդանիների՝ ինչպես անտառային գոտիներում, այնպես էլ դրանց հարակից տարածքներում, հայտնում է Շրջակա միջավայրի նախարարությունը: Նախարարությունը հորդորել է չմոտենա՛լ կենդանիներին, չկերակրել և չփորձել շփվել կամ լուսանկարվել: նրանց հետ: «Վերջին օրերին համացանցում պարբերաբար տարածվում են լուսանկարներ և տեսանյութեր, որոնցում արձանագրվում է, որ ազնվացեղ եղջերուները մոտենում են բնակավայրերին՝ երբեմն հայտնվելով նույնիսկ բնակելի հատվածներում։ Կո՛չ ենք անում ցուցաբերել առավելագույն զգոնություն և պատասխանատվություն՝ նման դեպքերում պահպանելով անվտանգության կանոնները․ -չմոտենա՛լ կենդանիներին և պահպանե՛լ անվտանգ հեռավորություն, չկերակրե՛լ և չփորձե՛լ շփվել կամ լուսանկարվել նրանց հետ մոտ տարածությունից, խուսափել աղմուկ ստեղծելուց կամ կենդանիներին անհանգստացնելուց, կենդանիներին նկատելու դեպքում հնարավորության դեպքում հեռանալ տարածքից՝ չստեղծելով խուճապային իրավիճակ, անհրաժեշտության դեպքում տեղեկացնել համապատասխան պատասխանատու մարմիններին։ Վայրի կենդանիները մեր բնական էկոհամակարգերի կարևոր բաղադրիչն են, և նրանց անվտանգ գոյակցությունը մարդու հետ հնարավոր է միայն պատասխանատու վարքագծի պայմաններում», ասվում է հայտարարության մեջ:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
