  2025-ին Հայաստանում ՌԴ-ից ներդրումների արտահոսքը նվազել է, Կանադայից՝ աճել 8 ապրիլի 2026 - 11:35 AMT PanARMENIAN.Net - 2025-ին Հայաստանում օտարերկրյա ներդրումների ընդհանուր ներհոսքը հասել է 34․5 մլրդ դրամի՝ նախորդ տարվա 29․8 մլրդ դրամի համեմատ։ Այս տվյալները ներկայացրել է ՀՀ վիճակագրական կոմիտեն։ Կանադայից ներդրումային հոսքը նվազել է, մինչդեռ Ռուսաստանից կապիտալի արտահոսքը կրճատվել։ Եթե 2024 թվականին Կանադայից ներդրումները ոլորտում կազմել էին 17․7 մլրդ դրամ (մոտ $46 մլն), ապա 2025-ին գրանցվել է 73․7 մլրդ դրամի արտահոսք (մոտ $194 մլն), հայտնում է Sputnik Արմենիան: Ռուսական ներդրումների մասով հակառակ իրավիճակն է․ արտահոսքը կրճատվել է՝ 2024-ի 100,7 մլրդ դրամից (մոտ $265 մլն) 2025-ին հասնելով մոտ 7 մլրդ դրամի (մոտ $18,6 մլն)։ 2025 թվականին Ամուլսարի ոսկու հանքավայրի բաժնետոմսերի 87․5%-ը «Lydian Canada Ventures Corporation» ընկերությունից անցել է բրիտանական Վիրջինյան կղզիներում գրանցված «United Gold ARM LLC FZ» ընկերությանը։ Բաժնետոմսերի ևս 12․5%-ը մնում է Հայաստանի կառավարության սեփականությունը։ Բացի այդ, ոլորտում մոտ 20 մլրդ դրամի (մոտ $52․5 մլն) ներդրում է ստացվել Ղազախստանից։ Էներգետիկայի ոլորտում Կիպրոսին բաժին է հասել ավելի քան 7 մլրդ դրամի ներդրում։ «Հայաստանի էլեկտրական ցանցեր» ընկերության սեփականատեր «Տաշիր կապիտալ» հոլդինգի որոշ ակտիվներ գրանցված են հենց Կիպրոսում։ Նախորդ տարվա համեմատ այս ներդրումների ծավալն աճել է ավելի քան կրկնակի։ Գերմանիայից կապիտալի արտահոսքը կազմել է մոտ 37 մլրդ դրամ, ինչը հիմնականում պայմանավորված է KfW բանկի կողմից տրամադրված վարկերի վերադարձով։ Ջրային տնտեսության ոլորտում Ֆրանսիան շարունակել է մնալ գլխավոր ներդրողը, թեև ներդրումների ծավալը նվազել է՝ 2024-ի ավելի քան 9 մլրդ դրամից հասնելով մոտ 7․5 մլրդ դրամի։ Ավիացիոն ոլորտում արձանագրվել է զգալի աճ։ Մոլդովայից ներդրումները կազմել են 3․7 մլրդ դրամ, մինչդեռ 2024-ին նման ներդրումներ չեն եղել։ Լյուքսեմբուրգից ներհոսքը գրեթե քառապատկվել է՝ հասնելով 30․5 մլրդ դրամի։ Տեղեկատվական տեխնոլոգիաների ոլորտում ԱՄՆ-ից ներդրումները որոշ չափով նվազել են՝ 10․2 մլրդ դրամից հասնելով 8․8 մլրդ դրամի։ Ալկոհոլային խմիչքների արտադրության ճյուղում 2025-ին հիմնական ներդրողներ են դարձել Ֆրանսիան և Լյուքսեմբուրգը՝ համապատասխանաբար ավելի քան 3 մլրդ և մոտ 4․5 մլրդ դրամ ներդրումներով, մինչդեռ նախորդ տարի այս ուղղություններով գրանցվել էր արտահոսք։ Լյուքսեմբուրգը, Կիպրոսը և Վիրջինյան կղզիները հաճախ կիրառվում են որպես օֆշորային հարթակներ ներդրումների համար։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
