Երևանի 3 վարչական շրջանում օդի աղտոտվածությունը գերազանցել է սահմանային նորմերը

PanARMENIAN.Net - Ապրիլի 7-13-ն ընկած ժամանակահատվածում Երևանի 3 վարչական շրջանում օդի աղտոտվածությունը գերազանցել է սահմանային նորմեր, հայտնում է Հիդրոօդերևութաբանության և մոնիթորինգի կենտրոնը:

Փոշու մակարդակը անցել է սահմանային թույլատրելի ցուցանիշը հետևյալ վայրերում՝

◾️ Կենտրոն վարչական շրջանում՝ ապրիլի 7-9-ը և 12-13-ը,

◾️ Նոր Նորք վարչական շրջանում՝ ապրիլի 8-ին,

◾️ Շենգավիթ վարչական շրջանում՝ ապրիլի 10-ին,

◾️ Արաբկիր վարչական շրջանում գերազանցում չի արձանագրվել։

Ազոտի երկօքսիդի խտությունը նույնպես բարձրացել է սահմանված շեմից՝

◾️ Նոր Նորք վարչական շրջանում՝ ապրիլի 7-ին և 9-13-ն ընկած օրերին,

◾️ Կենտրոն վարչական շրջանում՝ ապրիլի 9-ին և 12-13-ը,

◾️ Արաբկիր վարչական շրջանում՝ ապրիլի 13-ին,

◾️ Շենգավիթ վարչական շրջանում գերազանցում չի արձանագրվել։

Միևնույն ժամանակ, ծծմբի երկօքսիդի մակարդակը պահպանվել է թույլատրելի սահմաններում և չի անցել սահմանված կոնցենտրացիան։