 Ավինյան․ 45 նոր տրոլեյբուսից 22-ն արդեն Երևանում է 5 մայիսի 2026 - 13:06 AMT PanARMENIAN.Net - Երևանի համար գնված 45 նոր տրոլեյբուսից 22-ն արդեն Երևանում է, հայտարարել է քաղաքապետ Տիգրան Ավինյանը: Նա հայտնել է, որ, ձեռք բերված նոր տրոլեյբուսների շահագործման մտնելուն զուգահեռ, հները դուրս են բերվելու շրջանառությունից, հայտնում է Radar Armenia-ն: «Կառավարության աջակցությամբ մեր գնած 45 տրոլեյբուսից 22-ն արդեն Երևանում է, մեր տրոլեյբուսային պարկում են, մնացածը շուտով կլինեն Երևանում։ Եվ ուզում եմ հիշեցնել, որ այս տրոլեյբուսների գիծ մուտք գործելուց հետո այլևս որևէ հին տրոլեյբուս չպետք է ունենանք»,- ասել է նա։ Ավինյանը նաև անդրադարձել է հանրային տրանսպորտում ուղեվարձի հավաքագրման ցուցանիշներին՝ ներկայացնելով վերջին ամիսների աճը։ Մարտին գրանցվել է 10 մլն 327 հազար 73 վավերացում, իսկ ապրիլին՝ 12 մլն 733 հազար 230, ինչի արդյունքում երկու ամսում ցուցանիշն ավելացել է 23.3 տոկոսով կամ 2 մլն 406 հազարով։ «Մենք հավելյալ հավաքագրման արդյունքում մոտավորապես 13-14 ավտոբուսի գումար ենք հավաքագրել»,- ասել է նա՝ հավելելով, որ այդ գործընթացը կարևոր է Երևանում արժանապատիվ տրանսպորտ ունենալու տեսանկյունից: «Հանրային տրանսպորտն ամենածախսատար ոլորտն է քաղաքի համար. ամենամեծ ներդրումներն ու սուբսիդիաները Երևանի քաղաքապետարանն իրականացնում է հենց հանրային տրանսպորտի ոլորտում։ Նաև շատ կարևոր է, որ վճարումներն իրականացնենք պատշաճ կերպով»,-ասել է նա: Քաղաքապետը նաև շնորհակալություն է հայտնել վարորդներին, որոնք ծանր աշխատանքային գրաֆիկը համադրում են վերահսկողական պարտականությունների հետ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
